2021-03-26 13:18:36, 612 ნახვა
საზოგადოება
ჯანდაცვის მინისტრი - ე.წ კომენდატის საათის მოხსნა არ იგეგმება, ამის ფუფუნება არ გვაქვს
ე.წ კომენდატის საათის მოხსნა არ იგეგმება, ამის ფუფუნება არ გვაქვს, - ამის შესახებ ჯანდაცვის მინისტრმა, ეკატერინე ტიკარაძემ, ჟურნალისტებთან საუბრისას განაცხადა.
როგორც მინისტრმა აღნიშნა, ევროპის ქვეყნებში მიმდინარეობს შეზღუდვების გამკაცრება, საქართველოში კი, მნიშვნელოვანი შემსუბუქებების ღონისძიებები ტარდება.
„კომენდანტის საათის გაუქმება არ იგეგმება, ვინაიდან ჩვენ არ გვაქვს ამის საფუძველი, ასევე არ გვაქვს ამის ფუფუნება, პანდემია კვლავ საქართველოშია, ისევე, როგორც მსოფლიოში. ჩვენ ვაკვირდებით, რომ ევროპის ქვეყნებში მნიშვნელოვნად მიმდინარეობს გამკაცრებები, მაშინ, როდესაც საქართველოში მნიშვნელოვანი შემსუბუქება გვაქვს", - განაცხადა ეკატერინე ტიკარაძემ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
