„ასტრაზენეკას“ ვაქცინა არის უსაფრთხო და ეფექტური, – ამის შესახებ ევროპის წამლის სააგენტოს დირექტორმა, ემერ კუკმა საგანგებო პრესკონფერენციაზე განაცხადა, სადაც ვაქცინის შესაძლო გვერდით ეფექტებთან დაკავშირებით მოკვლევის შედეგები საზოგადოებას გააცნო.

„ჩვენმა ექსპერტთა კომიტეტმა „ასტრაზენეკათი“ აცრილთა შორის სისხლის თრომბის შემთხვევების შესწავლისას დაადგინა, რომ ეს არის უსაფრთხო და ეფექტური ვაქცინა მისი სარგებელი ხალხის „კოვიდ-19“-ისგან დაცვაში აღემატება შესაძლო რისკებს. კომიტეტმა ასევე დაადგინა, რომ ვაქცინა არ არის დაკავშირებული თრომბოემბოლიური მოვლენების ან სისხლის კოლტების საერთო რისკის ზრდასთან“, – განაცხადა ემერ კუკმა.

მისივე თქმით, გამოძიებისას და შესწავლისას გამოვლინდა შემთხვევათა მცირე რაოდენობა იშვიათი და უჩვეულო თუმცა, შედედების ძალიან სერიოზული დარღვევა, შემთხვევების უფრო დეტალურად შესწავლის წინაპირობა გახდა.

„მტკიცებულებაზე დაყრდნობით და ღრმა ანალიზის შემდეგ, რომელიც მოიცავდა კლინიკურ ანგარიშებისა და გაკვეთის დასკვნებს, ჩვენ საბოლოოდ მაინც ვერ გამოვრიცხავთ კავშირს ამ შემთხვვევებსა და ვაქცინასაც შორის. ამის გამო, კომიტეტი რეკომენდაციას იძლევა გაიზარდოს ცნობიერება ამ შესაძლო რისკებთან დაკავშირებით და დავრწმუნდეთ, რომ ისინი გაწერილია პროდუქტის შესახებ საინფორმაციო ფურცელზე. ყურადღების გამახვილება ამ შესაძლო იშვიათ მდგომარეობაზე, მედიკოსებისა და ვაქცინირებული პირებისთვის ინფორმაციის მიწოდება, დაეხმარება დაფიქსირდეს და შემსუბუქდეს ნებისმიერი შესაძლო გვერდითი ეფექტი“, – განაცხადა ემერ კუკმა.

ავტორი: ექსპრესნიუსი,

სოციალური ქსელები

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა

პოლონეთის შს მინისტრმა განაცხადა, რომ კრაკოვში მასობრივი სროლაში ეჭვმიტანილს რადიკალური მემერჯვენე შეხედულებები აქვს

კრაკოვში 11 ნოემბრს გლოვის დღე გამოცხადდა, სროლის შედეგად 6 ადამიანი დაიღუპა 15 დაიჭრა