კოვიდ-19-ით ინფიცირების შემთხვევების გამო დახურული ბაღებიდან ოთხში სააღმზრდელო პროცესი განახლებულია. ამის შესახებ დედაქალაქის მთავრობის სხდომაზე თბილისის მერმა კახა კალაძემ განაცხადა.

მისივე თქმით, თითოეულ ბაღში მაქსიმალურად ითვალისწინებენ  ჯანდაცვის სამინისტროს რეკომენდაციებს.

„თქვენ იცით, რომ სწავლა პირველ მარტს განახლდა. როდესაც პირველად ჩატარდა პერსონალის ტესტირება, სანამ ბაღები გაიხსნებოდა, 8 ბაღის პერსონალს დაუდასტურდა კოვიდი, შესაბამისად, ეს ბაღები არ გაიხსნა. ამის შემდეგ, ტესტირების პროცესში კიდევ 46 ბაგა-ბაღში დადასტურდა ვირუსი, როგორც პერსონალის, ისე ბავშვების შემთხვევაში, შესაბამისად, დაიხურა ეს ბაღებიც. ამ ეტაპზე, უკვე 4 ბაღში განახლებულია სააღმზრდელო პროცესი. გრძელდება ტესტირება და ეტაპობრივად ხდება ბაღების  გახსნა. კიდევ ერთხელ ვიმეორებ, რომ ჩვენ მაქსიმალურად მკაცრად ვაკონტროლებთ  ჯანდაცვის სამინისტროს მიერ დადგენილი რეგულაციების დაცვას და ტარდება ყველა ის ღონისძიება, რაც აუცილებელია აღსაზრდელების და პერსონალის ჯანმრთელობის დასაცავად“, - განაცხადა დედაქალაქის მერმა.

ავტორი: NS (სტატია დაფინანსებულია),

სოციალური ქსელები

FT: აშშ-ის დემოკრატები უკრაინისთვის 15 მილიარდი დოლარის დახმარების გამოყოფას ამზადებენ და რუსეთის წინააღმდეგ სანქციების გამკაცრებას სურთ

დონალდ ტრამპმა UFC-ის დირექტორს, დანა უაითს, თეთრი სახლის პრესმდივნის თანამდებობა შესთავაზა

მოსკოვის ცენტრში 100-ზე მეტი ადამიანი დააკავეს; ზოგიერთს სამხედრო რეგისტრაციისა და გაწვევის ოფისში უწყება გადაეცა

პოლონეთის შს მინისტრმა განაცხადა, რომ კრაკოვში მასობრივი სროლაში ეჭვმიტანილს რადიკალური მემერჯვენე შეხედულებები აქვს