2021-03-15 10:35:33, 379 ნახვა

---

სალომე სამადაშვილი - „ქართული ოცნების“ განცხადებამ გააჩინა განცდა, რომ გადაწყვიტა მოლაპარაკებები უშედეგოდ დასრულებულიყო

„ქართული ოცნების“ განცხადებამ გააჩინა განცდა,  რომ გადაწყვიტა მოლაპარაკებები უშედეგოდ დასრულებულიყო, - ამის შესახებ „ნაციონალური მოძრაობის“ ლიდერმა სალომე სამადაშვილმა განაცხადა.

მისი თქმით, ევროსაბჭოს პრეზიდენტის წარმომადგენლის კრისტიან დანიელსონის ქვეყანაშ კიდევ ერთი დღით დარჩენა მიუთითებს იმაზე, რომ არ აპირებს პრემიერ-მინისტრს ბრიუსელში ხელცარიელი ჩასვლის შესაძლებლობა მისცეს.

„ოპოზიციას აქვს პოლიტიკური ნება, რომ ეს შეთანხმება შედეგს. გუშინ „ქართული ოცნების“ განცხადებამ გააჩინა საზოგადოებაში განცდა,  რომ „ოცნებამ“ გადაწყვიტა , რომ მოლაპარაკებები ამ ეტაპზე უშედეგოდ დასრულებულიყო. მივესალმებით იმას, რომ მედიატორმა გადაწყვიტა გაეგრძელებინა ვიზიტი. დანიელსონი არ აპირებს პრემიერ-მინისტრს ხელცარიელი ჩასვლის შესაძლებლობა მისცეს ბრიუსელში . რაც არ უნდა მონდომებული იყოს ოპოზიცია და მედიატორი, ამ შეთანხმებას სჭირდება ორი მხარე , შესაბამისად, გააჩნია დღეს როგორ წარსდგება ხელისუფლება“, - განაცხადა სალომე სამადაშვილმა.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი