დოჰას ტურნირის ჩემპიონმა ბასილაშვილმა გამარჯვებულის სიტყვა ქართულ ენაზე დაასრულა და შვილსა და თანამემამულეებს მიმართა:

„ლუკას! მამიკო, მინდა, რომ დაიმახსოვრო: შენ ხარ ჩემთვის ყველაზე ძვირფასი ადამიანი, ძალიან მიყვარხარ და მენატრები... და მინდა, დიდი მადლობა გადავუხადო საქართველოს, გულშემატკივრებს, დიდი მადლობა გვერდში დგომისთვის!“- თქვა ბასილაშვილმა.

ქართველი ჩოგბურთელი ნიკოლოზ ბასილაშვილი დღეს დოჰას ATP250 კატეგორიის ტურნირის ტრიუმფატორი გახდა. ფინალში ბასილაშვილმა ორ სეტში ისე მოუგო ესპანელ რობერტო ბაუტისტა-აგუტს, რომ ერთი ბრეიკ-პოინტის შანსიც არ მისცა – 7:6(5), 6:2. მატჩი საათი და 30 წუთი გაგრძელდა.

ბასილაშვილისთვის ეს იყო მეექვსე ფინალი ATP-ის ტურნირებზე. პირველი ორი ფინალის წაგების შემდეგ, მან ზედიზედ ოთხი გადამწყვეტი მატჩი მოიგო ორჯერ ჰამბურგში, პეკინში და ახლა დოჰაში.

ავტორი: ექსპრესნიუსი,

სოციალური ქსელები

Global Finance: საქართველოს ბანკი მსოფლიოში საუკეთესო AI ბანკია

კახა კალაძე საკონსტიტუციო სარჩელზე: პოლიტიკოსებს ან პოლიტიკურ პარტიებს არაფერი ესაქმებათ პოლიტიკაში

DRI ვახო სანაიაზე: აზრის გამოხატვისთვის დაკავება ეწინააღმდეგება საქართველოს კონსტიტუციას

მედიის ადვოკატირების კოალიცია - მართლმსაჯულების სისტემის გამოყენება კრიტიკული ხმის ჩასახშობად და ჟურნალისტების დასასჯელად