„შეთანხმების მიღწევის შემთხვევაში ოპოზიცია საპარლამენტო პროცესებში ჩართვას ვერ ასცდება“, - დროა პარლამენტში პოლიტიკა დაბრუნდეს“, - ამის შესახებ პარლამენტის თავმჯდომარემ, არჩილ თალაკვაძემ კრისტიან დანიელსონთან შეხვედრის შემდეგ განაცხადა.

როგორც ის აღნიშნავს, აუცილებელია, რომ ოპოზიცია საპარლამენტო ცხოვრებას დაუბრუნდეს და მას შემდეგ რაც ეს მოხდება, პარლამენტში პოლიტიკა დაბრუნდება.

„დღეს ძალიან მნიშვნელოვანია, რომ პოლიტიკურ ძალებს შორის ჯანსაღი დისკუსიით გაგრძელდეს მომავალი პოლიტიკა და მე ვფიქრობ, რომ ის პროცესი რომელიც ახლა მიმდინარეობს ამ ამოცანას ემსახურება. ჩვენი ეროვნული ინტერესები იყოს დაცული გადავდგამთ ნაბიჯებს, რომ მოხდეს შეთანხმება, მაგრამ ამას სჭირდება სამართლიან პრინციპებზე შეთანხმება. დროა პარლამენტში დაბრუნდეს პოლიტიკა და დროა, ჩვენ ერთად მოვძებნოთ და გადაწყვეტილებები საზოგადოებაში არსებული პრობლემების შესახებ. როგორც სახელისუფლებო გუნდს, ვართ მოტივირებულები, რომ დროულად დავხუროთ პოლიტიკური პრობლემა და გადავერთოთ საზოგადოებრივ საკითხებზე.

ოპოზიციის მიერ წამოყენებული საკითხები თავად გულისხმობს მათ ჩართვას საპარლამენტო პროცესში. შესაბამისად, მხოლოდ ამაზე დაყრდნობით გეუბნებით, რომ თუ შეთანხმება მოხდება და დიდი იმედი მაქვს რომ მოხდება, ამ შემთხვევაში ოპოზიცია ვერ ასცდება იმას, რომ ჩაერთოს საპარლამენტო პროცესში. რეალურად შეთანხმებაც იმისთვისაა, რომ ოპოზიცია არა ქუჩაში არამედ პარლამენტში იყოს“, - განაცხადა თალაკვაძემ.

შეგახსენებთ, რომ ევროკავშირის პრეზიდენტის პირადი წარმომადგენელი კრისტიან დანიელსონი „ქართული ოცნების“ ლიდერებს შეხვდა. მანამდე დიპლომატი პრეზიდენტს, პრემიერსა და სამოქალაქო სექტორის წარმომადგენლებს შეხვდა.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

მხოლოდ 12 ნოემბერს, შეიძინე საბურავები „თეგეტა მოტორსში“ თიბისი განაწილებით და დაიბრუნე თანხის 50%

ბაზისბანკი ახალგაზრდა ტალანტების მხარდაჭერას განაგრძობს, UNI4VERSE – FINEDU-ს გამარჯვებული გუნდი Web Summit-ზე გაემგზავრება

თბილისის ერთ-ერთ სკოლაში სპორტული წრის მასწავლებელმა 8-9 წლის ბავშვებთან არერთხელ დაამყარა სექსუალური კონტაქტი

კახა კალაძე ჩინეთის ვიცე-პრეზიდენტის ვიზიტზე: ასეთი რანგის სტუმარი ბოლო 10 წლის განმავლობაში საქართველოს არ ახსოვს