2021-03-11 13:04:24, 478 ნახვა

---

სალომე სამადაშვილი - ევროპელი მედიატორი კონკრეტული მონახაზებით ჩამოვა, რომელიც მხარეებს შორის მსჯელობის საგანი გახდება

მედიატორი რაღაც მონახაზით ჩამოდის, რაც მხარეებს შორის მსჯელობის საგანი გახდება, - ამის შესახებ „ნაციონალური მოძრაობის“ წევრმა, სალომე სამადაშვილმა ევროპული საბჭოს პრეზიდენტის სპეციალური წარმომადგენლის, კრისტიან დანიელსონის საქართველოში ვიზიტთან დაკავშირებით განაცხადა.

როგორც მან აღნიშნა, თუ მედიატორის მხრიდან „ქართული ოცნების“ პოზიციები არ გადაიხედება, შეთანხმების მიღწევა ძალიან რთული იქნება.

„მედიაციის პროცესი ერთ საათში ვერ დასრულდება. მედიატორი, ჩემი ინფორმაციით, რაღაც მონახაზით ჩამოდის, რაც მხარეებს შორის მსჯელობის საგანი გახდება. თუმცა, მას არ შეუძლია მხარეებს შორის გამოვლენილი პოლიტიკური ნების გარეშე რაიმე წარმატებას მიაღწიოს.

ამიტომ, თუ არ გადაიხედება „ქართული ოცნების“ პოზიციები, მიუხედავად იმისა, რომ ჩვენ ძალიან გვინდა ქვეყანა კრიზისიდან გამოვიდეს, ამ შეთანხმების მიღწევა ძალიან რთული იქნება“, - განაცხადა სალომე სამადაშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი