„კანონმდებლობა გვაძლევს იმის საშუალებას რომ ჩინური ვაქცინა „სინოფარმის“ შემოტანის საკითხი განვიხილოთ“, - ამის შესახებ ჯანდაცვის მინისტრის მოადგილემ თამარ გაბუნიამ განაცხადა.

მისი თქმით, „ფაიზერისა“ და „ასტრაზენეკას“ ვაქინცების შემოტანის გარდა, „სინოფარმის“ „სინოვაკისა“ და „მოდერნას“ ვაქცინებთან დაკავშირებით მსჯელობა მიმდინარეობს.

„ამ კვირაში იქნება მნიშვნელოვანი დაკვირვება ეპიდემიოლოგიურ ტენდენციებზე, რაც ჩვენ  მოგვცემს იმის საშუალებას, რომ ვიმსჯელოთ რამდენად უსაფრთხოდ გავიარეთ გახსნების პირველი ეტაპი.

ვაქცინაციასთან დაკავშირებით მიმწოდებელთან გრძელდება მოლაპარაკებები, „კოვაქსის“ პლატფორმით, როგორც უკვე დაანონსებული იყო, 22 მარტის კვირაში ველოდებით „ფაიზერის“ ვაქცინას და ასევე, „ასტრაზენეკას“ ვაქცინაც ამავე პერიოდშია მოსალოდნელი, რომ ქვეყანაში შემოვიდეს. მოლოდინი გვაქვს, რომ მარტის ბოლოსთვის ვაქცინაციის პროგრამას რეალურად  დავიწყებთ. ეს არის ის ინფორმაცია რასაც კოვაქსი გვიდასტურებს.

ასევე მიმდინარეობს მუშაობა სხვადასხვა კომპანიასთან ბილატერალური შეთანხმებების გაფორმებისთვის, მათ შორის გახლავთ „მოდერნა“, „სინოფარმი“, „სინოვაკი“. მოგეხსენებათ, ჩინური ვაქცინები განიხილება, განსაკუთრებით „სინოფარმი“, ჯანდაცვის მსოფლიო ორგანიზაციისთვის და მარტის ბოლომდე  მოსალოდნელია, რომ მიიღონ ავტორიზაცია. „სინოფარმი“ უკვე აღიარებულია უნგრეთის მარეგულირებლის მიერ. რეალურად ჩვენი კანონმდებლობა ამ ვაქცინის განხილვის საშუალებას გვაძლევს. ვფიქრობთ, რომ მოკლე ხანში კონკრეტული ციფრი გვექნება, რომელი მწარმოებლიდან რა რაოდენობის ვაქცინის მიღებაა შესაძლებელი“, - განაცხადა თამარ გაბუნიამ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

World Justice Project- საქართველოს კანონის უზენაესობის საერთო მაჩვენებელი წლევანდელ ინდექსში 2%-ით შემცირდა, კანონის უზენაესობის ვარდნაში რეგიონში პირველია

Tasnim: უკრაინამ ირანის მიმდებარე ქვეყნებში მიკროდრონების ქსელი განალაგა

ვენსმა უარი თქვა ნეთანიაჰუს მხარდაჭერაზე არჩევნებში, ტრამპის მხარდაჭერის მიუხედავად

ოსლოში შეხვედრაზე ვიტკოფი ზელენსკის თხოვს დათმოს უკრაინის ტერიტორიები პუტინისთვის - The New York Times