„სტრატეგია აღმაშენებლის“ ლიდერის, გიორგი ვაშაძის განცხადებით, ეუთო/ოდირის დასკვნაში აღნიშნული პრობლემების ფართო სპექტრმა მნიშვნელოვანი ზეგავლენა მოახდინა არჩევნების საბოლოო შედეგზე.

როგორც მან აღნიშნა, ეუთო/ოდირის მიერ წინა დასკვნაში გამოქვეყნებული რეკომენდაციები კვლავ შეუსრულებელია.

„ძალიან ბევრი საკითხი არის ჩამოთვლილი, მაგრამ მთავარი არის, რომ ნათქვამია, მათ წინა დასკვნაში რაც ჰქონდათ რეკომენდაციები, ისინი შეუსრულებელია. ანუ ფართო სპექტრია წარმოდგენილი იმ პრობლემების, რომლის შედეგადაც შეგვიძლია დავასკვნათ, რომ დიახ, ამ ყველა პრობლემის არსებობამ მნიშვნელოვანი ზეგავლენა მოახდინა არჩევნების საბოლოო შედეგზე, ამას ეუთო/ოდირი ვერ დაწერდა, ეს ჩვენი სათქმელია, ამას მიუთითებს იგივე ევროკავშირის აქტიური ჩართულობა რომ შეთანხმებისკენ წავიდეთ მოლაპარაკებებით“, - განაცხადა გიორგი ვაშაძემ.

ცნობისთვის, ეუთო-ს დემოკრატიული ინსტიტუტებისა და ადამიანის უფლებათა ოფისმა საქართველოში 2020 წლის 31 ოქტომბერს ჩატარებული საპარლამენტო არჩევნების შესახებ საბოლოო ანგარიში გამოაქვეყნა.

ავტორი: ექსპრესნიუსი,

სოციალური ქსელები

კახა კალაძე ჩინეთის ვიცე-პრეზიდენტის ვიზიტზე: ასეთი რანგის სტუმარი ბოლო 10 წლის განმავლობაში საქართველოს არ ახსოვს

სახალხო დამცველმა ირაკლი ღარიბაშვილის საჯარო განცხადებაში მითითებული საკითხების შესწავლა დაიწყო

ივანიშვილის წარმომადგენელი გორდულაძე განაჩენის გამოტანამდე ოპოზიციურ პარტიებს არაკონსტიტუციურებს უწოდებს

მიგრაციის დეპარტამენტის თანამშრომლებმა უცხო ქვეყნის 91 მოქალაქე საქართველოდან გააძევეს