ვისურვებდი, უფრო მეტი რიხით და ზარზეიმით საუბრობდეს - თეა წულუკიანი გომელაურის პარლამენტში მოსმენას ეხმაურება

2021-03-05 13:43:59, 523 ნახვა

პოლიტიკა

ვისურვებდი, მთავრობის წარმომადგენელი უფრო მეტი რიხით და ზარზეიმით საუბრობდეს, - ამის შესახებ განათლების კომიტეტის თავმჯდომარემ, თეა წულუაკიანმა შს მინისტრის, ვახტან გომელაურის საკანონმდებლო ორგანოში მოსმენასთან დაკავშირებით განაცხადა.

მისი თქმით, მინისტრის გამოსვლა იყო საკმაოდ მოკრძალებული.

„მინდა მომხსენებელს ვუთხრა, რომ მისი გამოსვლა იყო საკმაოდ მოკრძალებული და ასეთი უმნიშვნელოვანესი საკითხების გარშემო ალბათ, მე პირადად ვისურვებდი, რომ მთავრობის წარმომადგენელი უფრო მეტი რიხით და ზარზეიმით საუბრობდეს. რასაც თქვენ ჩვენ გვთავაზობთ და რასაც მხარს ვუჭერდით, დღეს ეს მცდელობები გვირგვინდება. ალბათ ჩვენი მხრიდან და მითუმეტეს აღმასრულებელი ხელისუფლების მხრიდან დაჭირდება კომუნიკაციის უფრო დიდი მასშტაბური კამპანია. ეს არის ერთ-ერთი ყველაზე დიდი მიღწევა, რასაც ჩვენ ვაკეთებთ ადამიანის უფლებების სფეროში და ამ ოქმის მოდიფიცირება მრავალის წლის მანძილზე პრაქტიკულად ნატვრად იყო ქცეული“, - განაცხადა თეა წულუკიანმა.

შეგახსენებთ, რომ ამ წუთებში პარლამენტში ე.წ. მინისტრის საათის ფორმატში შს მინისტრს, ვახტანგ გომელაურს უსმენენ.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,