2021-03-03 17:57:01, 736 ნახვა

---

შუახევში დედის დღესთან დაკავშირებით მუნიციპალიტეტის ხელმძღვანელმა პირებმა ომში დაღუპულთა ოჯახებს საჩუქრები გადასცეს

დედის დღესთან დაკავშირებით, შუახევის მუნიციპალიტეტის მერის მოვალეობის შემსრულებელი ომარ ტაკიძე, საკრებულოს თავმჯდომარე გიორგი დავითაძესთან, მოადგილე რუსუდან შვაძესთან და ვეტერანების საქმეთა სახელმწიფო სამსახურის წარმომადგენლებთან ერთად, საქართველოს ერთიანობისთვის დაღუპული გმირების ოჯახებს ეწვია.

ხელმძღვანელმა პირებმა, აგვისტოს ომში დაღუპულ, სოფელ ბუთურაულში იაგო მიქელაძის დედას ეთერ მიქელაძეს, ბარათაულში ამირან მამალაძის დედას მარინა მიქელაძეს, აფხაზეთის ომში უგზო-უკვლოდ დაკარგულ ფრიდონ მახარაძის დედას გუგული მახარაძეს, დედის დღე მიულოცეს და სიმბოლირი საჩუქარი გადასცეს.

,,გაზაფხულის ამ ლამაზ დღეს ვულოცავ ყველა ქალბატონს, მომავალ დედებს. ქედს ვიხრით თქვენი ფასადაუდებელი ღვაწლისა და მისიის წინაშე. მუდამ შემართებით, სითბოთი და სიყვარულით გეკეთებინოთ ის დიდი და კეთილი საქმე, რომელსაც მომავალი თაობის ღირსეულ მოქალაქეებად ჩამოყალიბება ჰქვია. განსაკუთრებით კი მინდა მივულოცო ტერიტორიული მთლიანობისთვის დაღუპული მეომრების დედებს და მადლობა გადავუხადო გმირი შვილების გაზრდისთვის“, - განაცხადა ომარ ტაკიძემ.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი