„ევრიპული საქართველოს" ერთ-ერთი ლიდერის, გიგი უგულავას განცხადებით, ის ამაღამ პარლამენტთან დარჩება, რადგან არსებობს ხელისუფლებისგან თავდასხმის საფრთხე.

მისივე თქმით, ოპოზიციური ლიდერები საკანონმდებლო ორგანოსთან მორიგეობით დარჩებიან.

„მიუხედავად იმისა, რომ სიცივეა, მიუხედავად იმისა, რომ სეზონი არ არის, მიუხედავად იმისა, რომ კომენდატის საათია, ჯერ კიდევ თითოეული ჩვენთაგანი პირბადეებით დავდივართ და ვცდილობთ თავი და სხვებიც დავიცვათ, მიუედავად იმისა, რომ ჩვენი მთავრობა უკანასკნელია მსოფლიოში და ავღანეთმაც კი დაიწყო ვაქცინაცია და საქართველო ამ თვალსაზრისით, ბოლოა, ჩვენ აღარ გვაქვს ფუფუნება ასე თბილად ვიჯდეთ.

მე ჩემ მეგობრებთან ერთად დღეს ვაპირებ დავრჩე, იმიტომ რომ თავდასხმის საფრთხე ამ უგუნური ხალხისგან ძალიან დიდია, დაიწყება მორიგეობა და ყველა პოლიტიკური ლიდერი, შეძლებისდაგვარად, ჯანმრთელობა როგორც მისცემს საშუალებას და გაქანება, დარწმუნებული ვარ ჩაერთვება ამ ფერხულში. დრეს კრიტიკული ღამეა, იმიტომ რომ ახლა ბევრნი ვართ და აღარ გაგვაღიზიანეს, დილით სასიზღრობა ჩაიდინეს, მაგრამ როგორც კი შეიძლება ხალხი შემცირდეს, ტურასავით მოგვეპარებიან და ფეხქვეშ გაგვთელავენ“, - განაცხადა გიგი უგულავამ.

შეგახსენებთ, რომ ამ წუთებში, საკანონმდებლო ორგანოსთან ნიკა მელიას მხარდამჭერი აქცია მიმდინარეობს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მიგრაციის დეპარტამენტის თანამშრომლებმა უცხო ქვეყნის 91 მოქალაქე საქართველოდან გააძევეს

ბრალდებულმა ორი პირი ლიმონკით ააფეთქა, ერთი ადგილზე გარდაიცვალა, მეორე მძიმე მდგომარეობაში კლინიკაშია მოთავსებული

მეტროსადგური „თავისუფლების მოედანი” დროებით ვერ ემსახურება მგზავრებს

დამოუკიდებელი საქართველოს პირველი მთავრობის წევრი, აქტზე ხელმომწერი ნემო ბურჭულაძე გარდაიცვალა