ნიკა მელია ჩვეულებრივი კრიმინალია, - ამის შესახებ პრემიერ-მინისტრობის კანდიდატმა, ირაკლი ღარიბაშვილმა პარლამენტის პლენარულ სხდომაზე, სიტყვით გამოსვლისას განაცხადა.

„ნიკა მელია ჩვეულებრივი კრიმინალია და გვეუბნებიან, რომ როდესაც პარლამენტზე შტურმი სცადა, თურმე არ უნდა შევეხოთ ბატონ ბელიას, მე ვკითხე ყველას, რომელ ქვეყანაში გინახავთ, რომ მსგავსი დანაშაულის შემთხვევაში ადამიანებს რაიმე სახის ინდულგენციებს აძლევდნენ, როდის ყოფილა, რომ პოლიტიკური პარტია გამხდარა ასეთი ადამიანების თავშესაფარი?“, - განაცხადა ირაკლი ღარიბაშვილმა.

მანვე დასძინა, რომ ქვეყანაში დესტაბილიზაციის საშუალებას არავის მისცემს და ხელოვნურად შექმნილი ხმაური და ქაოსი, ძალიან მალე დასრულდება.

„თუ კარგად გადახედავთ ბიოგრაფიებს, რომლებიც ახლა ამ ე.წ. შულავერის კომიტეტში იკრიბებიან, დარწმუნდებით, რომ საქმე გვაქვს ძალიან დიდ შიდა მტრობასთან, დიდ ღალატთან. აქედან გამომდინარე, ჩვენს სიმტკიცესა და პრინციპულობას ალტერნატივა არ აქვს, ასევე ჩვენი პოზიციების, ჩვენი სიმართლის მტკიცედ დაცვას. ჩვენ არავის არ მივცემთ საშუალებას, ჩვენს ქვეყანაში რაიმე დესტაბილიზაცია მოახდინოს. არათუ დესტაბილიზაცია, არამედ ეს გაუგებარი და ხელოვნურად შექმნილი ხმაურიც და ეს ქაოსი ძალიან მალე დასრულდება. ამის გარანტიას ვიძლევი მე“, – განაცხადა ირაკლი ღარიბაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას