ოპოზიცია მუდმივად ქაოსისკენ და არეულობისკენ ისწრაფვის, რადგან სრული უსუსურობის ფონზე, მხოლოდ ასე შეუძლია მიიქციოს ყურადღება, - ამის შესახებ პრემიერ-მინისტრობის კანდიდატმა, ირაკლი ღარიბაშვილმა პარლამენტში სიტყვით გამოსვლისას განაცხადა.

ირაკლი ღარიბაშსვილის განცხადებით, სახელმწიფომ ოპოზიციის მიერ ორგანიზებულ ძალადობას ზოგიერთ შემთხვევაში სათანადო პასუხი არ გასცა.

მანვე დასძინა, რომ საერთო შრომით შეიქმნება საფუძველი და მარგინალურ პოლიტიკოსებად წოდებული ინდივიდები მხარდაჭერას ვეღარ ჰპოვებენ.

„იძინებენ და იღვიძებენ, თუ როგორ ისარგებლონ, საზოგადოების უკმაყოფილების იმ განწყობებით, რომელიც ობიექტური მიზეებით, მათივე მონაწილეობით შეიქმნა ამ ქვეყანში. ჩვენთვის კარგად არის ცნობილი, რომ საზოგადოების უდიდესი ნაწილი კარგად ხედავს ამ მცირე, მაგრამ ხმაურიანი ძალების ზრახვებს, მიზნებს, იმას თუ რისთვის სჭირდებათ ჩვენი საზოგადოების დაყოფა და არა ერთიანობა. ისინი მუდმივად ქაოსისკენ და არეულობისკენ ისწრაფვიან, რადგან სრული უსუსურობის ფონზე, მხოლოდ ასე შუელძიათ მიიპყრონ ყურადღება. სამწუხაროა, რომ ასეთი რადიკალიზმი, დესტრუქციულობა, პოლიტიკად საღდება დღევანდელ რეალობაში და ძალადობა აღიქმება გმირობად. მაგრამ ჩვენი გამოწვევაც არის, რომ სახელმწიფომ ზოგიერთ შემთხვევაში სათანადო პასუხი არ გასცა მათ მიერ ორგანიზებულ ძალადობას, ასევე მინდა აღვნიშნო, რომ ადამიანებს აქვთ გრძელვადიანი პერსპექტივის მკაფიო სურათი, რწმენა, რომ საერთო შრომით საფუძველს ვუყრით უკეთეს მომავალს. მე მჯერა, რომ მაშინ მარგინალური პოლიტიკოსებად წოდებული ინდივიდები, მხარდაჭერად ვეღარ ჰპოვებენ“, - განაცხადა ირაკლი ღარიბაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას