ეს არის პირდაპირი დირექტივა „ქართული ოცნებისთვის“, პოლიტიკური რეპრესიების გასაგრძელებლად, - ასე ეხმაურება ენმ-ს თავმჯდომარე, ნიკა მელია რუსი დეპუტატის, სერგეი გავრილოვის მიერ გაკეთებულ განცხადებას, რომელიც აცხადებს, რომ საქართველოს მმართველი პარტია აკეთებს ყველაფერს, რომ ქვეყანაში აღარ იყოს სახელმწიფო გადატრიალებები, სახელმწიფო ამბოხი, რეპრესიები და დიქტატურა.

როგორც ნიკა მელიამ აღნიშნა, სერგეი გავრილოვი თავისი განცხადებით, „ქართულ ოცნებას“ თავიდან ბოლომდე მხარს უჭერს და ის 2019 წლის 20 ივნისის ეროვნულ გამოსვლას, სახელმწიფო გადატრიალებად აფასებს

„ერთი საათის წინ რუსეთის დუმის დეპუტატის გამორჩეულად აგრესიული წარმომადგენლის ოკუპანტი სახელმწიფოსი ბატონი სერგეი გავრილოვის განცხადება გავრცელდა, რომელიც თავიდან ბოლომდე მხარს უჭერს „ქართულ ოცნებას“ და 2019 წლის 20 ივნისის ეროვნულ გაომსვლას სახელმწიფო გადატრიალებად აფასებს. ეს არის პირდაპირი დირექტივა „ქართული ოცნებისთვის“, პოლიტიკური რეპრესიების გასაგრძელებლად, დემოკრატიული ოპოზიციის წარმომადგენლებისა და 20 ივისს მონაწილეთა წინააღმდეგ, მათ დასასჯელად. ბევრი აქ ალბათ სალაპარაკო აღაფერი დარჩა, წილი ნაყარია, ხაზები გავლებულია, ყველაფერი ნათელია. ერთ მხარეს დგას ოკუპანტი გავრილოვი, მეორე მხარეს დგას შეუპოვარი ქართველი ხალხის პროტესტი და როდის თუ არა ახლა, ყველა „ქართული ოცნების“ დეპუტატმა თავის თავს უნდა ჰკითხოს, რომელ მხარეს დგანან. დგანან გავრილოვების მხარეს, თუ დგანან ანწუხელიძის, მერაბ კოსტავების, შარტავების, გამსახურდიების და ეროვული ღირსების მხარეს“, - განაცხადა ნიკა მელიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას