„ჩვენ გვქონდა მრავალკომპონენტიანი, წინასწარ დასახული და გააზრებული სტრატეგია, რომელსაც მიზანსწრაფულად და თანმიმდევრულად ვახორციელებდით 2013 წლის დასაწყისიდან“, – ამის შესახებ იუსტიციის მინისტრმა პარლამენტში 4 კომიტეტის გაერთიანებულ სხდომაზე გამოსვლისას განაცხადა.

გოჩა ლორთქიფანიძის ანგარიში 21 იანვარს სტრასბურგის სასამართლოში მოპოვებულ ისტორიულ გამარჯვებას ეხება.

„ეს სტრატეგია, უპირველეს ყოვლისა, ეფუძნებოდა ჰოლისტიკურ მიდგომას, რომელიც გულისხმობდა, ერთი მხრივ, ყველა დავის გაერთიანებას, მართვის ერთიან პროცესში მოქცევას იუსტიციის სამინისტროს საერთაშორისო სასამართლოებში წარმომადგენლობის დეპარტამენტის ქვეშ, ხოლო მეორე მხრივ, ამ დეპარტამენტის ინსტიტუციურ გაძლიერებას;

ერთიანი მიდგომა, ასევე, გულისხმობდა იუსტიციის სამინისტროს მონაწილეობას საერთაშორისო ორგანიზაციების და, ასევე, მრავალმხრივი მოლაპარაკებების ფორმატში კონფლიქტების მოწესრიგების მიზნით, რომელსაც საგარეო საქმეთა სამინისტრო უძღვებოდა. ჩვენი აქტიური ძალისხმევით საერთაშორისო სასამართლოების მიერ საქართველოს სასარგებლოდ გადაწყვეტილებების მიღება საქართველოს საგარეო პოლიტიკის სტრატეგიაში დაფიქსირდა როგორც კონფლიქტის მშვიდობიანი მოგვარებისათვის სამართლებრივი საფუძვლების გამყარების მნიშვნელოვანი პრინციპი:

ჟენევის მოლაპარაკებების, როგორც პოლიტიკური და სტრასბურგში მიმდინარე 2008 წლის ომის საქმის, როგორც იურიდიული პროცესის საკითხების იდენტურობიდან გამომდინარე, ამ ორი პროცესის კოორდინირების მიზნით იუსტიციის სამინისტროდან ჟენევის მოლაპარაკებებში ქართული მხრიდან ერთ-ერთი თანამომლაპარაკებლის  რანგში უშუალოდ ვმონაწილეობდი;

მნიშვნელოვანი იყო იუსტიციის სამინისტროს საერთაშორისო სასამართლოებში წარმომადგენლობის დეპარტამენტის მონაწილეობა ევროპის საბჭოს მინისტრთა კომიტეტის მიერ შექმნილ ჯგუფში სახელმწიფოთაშორისი დავების წარმოებისა და გადაჭრის შესახებ, რათა დაგვეცვა სახელმწიფოს ინტერესები და თავიდან აგვეცილებინა სტრასბურგის სასამართლოში სახელმწიფოთაშორისი დავების პროცედურების ჩვენთვის დამაზიანებელი ცვლილებები;

ეს ძალისხმევა, ემსახურებოდა იმას, რომ საერთაშორისო ორგანიზაციებში და მრავალმხრივი მოლაპარაკებების ფორმატში ჩამოყალიბებულიყო ისეთი საერთაშორისო სამართლებრივი და პოლიტიკური გარემო, რომელიც უზრუნველყოფდა სტრასბურგის სასამართლოში სახელმწიფოთაშორისი დავების  და ევროპის საბჭოს მინისტრთა კომიტეტის აღსრულების ეტაპზე პროცედურული წესების განგრძობადობას და სტაბილურობას, მათ შორის, ჩვენი სახელმწიფოთაშორისი დავების წარმატებით დასრულებისათვის“, - განაცხადა გოჩა ლორთქიფანიძემ.

ავტორი: NS (სტატია დაფინანსებულია),

სოციალური ქსელები

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.