უკრაინის საგარეო საქმეთა სამინისტრო რუსეთის მიერ გერმანის, პოლონეთისა და შვედეთის დიპლომატების გაძევების ფაქტს ეხმაურება. აღნიშნულის შესახებ უწყება სოციალურ ქსელ Twitter-ში წერს.

„ჩვენ ვუცხადებთ სოლიდარობას რუსეთის მიერ გაურკვეველი მიზეზების გამო გაძევებული გერმანელი, შვედი და პოლონელი დიპლომატების მიმართ. რუსეთის ფედერაციის ეს გადაწყვეტილება ეწინააღმდეგება ვენის კონვენციას და არის კიდევ ერთი მაგალითი რუსეთის მიერ საერთაშორისო სამართლის მიხედვით მისი ვალდებულებების უხეში დარღვევისა“, - აღნიშნულია განცხადებაში.

შეგახსენებთ, რომ რუსეთი გერმანიის, პოლონეთისა და შვედეთის დიპლომატებს ქვეყნიდან აძევებს.მედიის ინფორმაციით, დიპლომატებს 23 იანვარს პეტერბურგსა და მოსკოვში გამართულ ალექსეი ნავალნის მხარდასაჭერ აქციებში მონაწილეობა ედებათ ბრალად.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო