ბევრი ხვეწნა გამოგვდის უკვე, „მობრძანდით“, „გეპატიჟებით“, ზედმეტი პატივია მათთვის, - ამის შესახებ უმრავლესობის ლიდერმა მამუკა მდინარაძემ განაცხადა,  რითაც გამოეხმაურა ოპოზიციის გადაწყვეტილებას საპარლამენტო არჩევნების შემსწავლელი დროებითი საგამოძიებო კომისიის საქმიანობაში ჩართვაზე უარის თქმის შესახებ.

მამუკა მდინარაძემ მოუწოდა ოპოზიციას, არჩევნების გაყალბებაზე არგუმენტების არსებობის შემთხვევაში, წარმოუდგინონ ისინი საგამოძიებო კომისიას, წინააღმდეგ შემთხვევაში, ბოდიში მოუხადონ საზოგადოებას.

„ბევრი ხვეწნა გამოდის, რომ შემობრძანდით, გეპატიჟებით, გუშინ საინფორმაციო ველი ამით იყო გაჯერებული და ზედმეტი პატივია მათთვის ამდენი ხვეწნა. თუმცა თუ მათ რაიმე არგუმენტი, ერთი მაინც დარჩათ ცრუ ნარატივის გასამყარებლად, რომ თითქოს არჩევნები გაყალბდა, შემიძლია კიდევ ერთხელ ვუთხრა, რომ ეს არგუმენტები წარმოადგინონ კომისიაში, თუ არადა ბოდიში მოუხადონ საზოგადოებას, იმიტომ რომ ძალიან მოატყუეს ის ადამიანები, ვინც მათ ამომრჩეველს წარმოადგენენ. ნუ იქნებიან მათზე ისეთი წარმოდგენის, რომელიც გონებრივ შესაძლებლობებს უკავშირდება. შეუძლებელია, რომ თუ რომელიმე ადამიანი ობიექტურად ფიქრობს, სიმართლეში ვერ გაერკვეს, მათ აღარ აქვთ არც ერთ კითხვაზე პასუხი“, - განაცხადა მამუკა მდინარაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

„არსენალი“ 22 წლის შემდეგ პირველად გახდა ინგლისის ჩემპიონი

ევროპული დაზვერვა: ჩინეთმა რუსი ჯარისკაცების საიდუმლოდ მომზადება დაიწყო უკრაინაში ომისთვის

უკრაინამ ფრონტის ხაზზე საჰაერო თავდაცვის განადგურებით გზა გაუხსნა თავის დრონებს რუსეთზე თავდასხმისთვის

საპატრიარქო - მუშაობის პროცესი მიზნად ისახავს, დიუშენის დაავადების მქონე ბავშვებისა და მათი ოჯახების საჭიროებების უფრო სიღრმისეულ შესწავლას