აშშ-ის სახელმწიფო მდივანმა, ენტონი ბლინკენმა და რუსეთის საგარეო საქმეთა მინისტრმა, სერგეი ლავროვმა სატელეფონო საუბარი გამართეს, რომლის დროსაც სახელმწიფო მდივანმა საქართველოსა და უკრაინაში რუსეთის სამხედრო აგრესიის საკითხიც განიხილა.

ამის შესახებ ინფორმაციას აშშ-ის სახელმწიფო დეპარტამენტი ავრცელებს.

მათივე განცხადებით, ბლინკენმა და ლავროვმა განიხილეს „ახალი დასაწყისის“ გაფართოება და შეიარაღების ახალი კონტროლის აუცილებლობა, რომელიც სრულად ეხება რუსეთის ბირთვულ იარაღს და ჩინეთის მზარდ საფრთხეს.

დეპარტამენტის ცნობით, პრეზიდენტ ბაიდენის გადაწყვეტილება, დაიცვას ამერიკის მოქალაქეები და მტკიცედ იმოქმედოს აშშ-ის ინტერესების დასაცავად რუსეთის ქმედებების საპასუხოდ, რომლებიც ზიანს აყენებს აშშ-სა ან მის მოკავშირეებს.

„ეს მოიცავს პოლ ველანისა და ტრევორ რიდის გათავისუფლებას, რათა მათ შეძლონ აშშ-ში, სახლებში, საკუთარ ოჯახებთან დაბრუნება. სახელმწიფო მდივანმა ასევე წამოწია 2020 წლის აშშ-ის არჩევნებში რუსეთის ჩარევის საკითხი, მისი სამხედრო აგრესია უკრაინასა და საქართველოში, ალექსეი ნავალნის მოწამვლა და სოლარუინდსის ინციდენტი“, - აღნიშნულია სახელმწიფო დეპარტამენტის განცხადებაში.

ავტორი: ექსპრესნიუსი,

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო