დაავადებათა კონტროლის ეროვნული ცენტრის ხელმღვანელის, ამირან გამყრელიძის განცხადებით, ქვეყანაში კორონავირუსის დადებითობის მაჩვენებელი, ბოლო სამი თვის განმავლობაში, დღეს ყველაზე დაბალია და 3.5%-ს შეადგენს.

მისი თქმით, დადებითობის მაჩვენებელმა ბოლო ერთი კვირის განმავლობაში 4.7% შეადგინა.

„ახალი შემთხვევების კლების დინამიკა გრძელდება. ე.წ. დადებითობის მაჩვენებელი, რომელიც ბოლო დღეების განმავლობაში ხშირად ჟღერდება, დღეს არის ბოლო სამი თვის განმავლობაში ყველაზე ნაკლები, 3.5%. ბოლო 7 დღეში გვაქვს 4.7%, ხოლო 14 დღეში 5.8%. განსაკუთრებით ყურადღებას ვაქცევთ ბოლო 7 და 14 დღის მაჩვენებელს სტაბილიზაციის თვალსაზრისით. ზოგადად, იანვარში არის 8% და ბოლო 30 დღის განმავლობაში 8.4%.

23 ოქტომბრიდან 5 ნოემბრამდე დადებითობის მაჩვენებელი გვქონდა 19%. 6-19 ნოემბერი - 24%. 20 ნოემბრიდან 3 დეკემბრამდე იყო პიკი და გვქონდა 30%, თითქმის ყოველი მესამე გატესტილი იყო ინფიცირებული. შემდეგ 4-7 დეკემბერი გვქონდა 22%. 18-31 დეკემბერი - 14.5%, 1-14 იანვარი - 10.5% და 15-28 იანვარი - 5.8%“, - განაცხადა ამირან გამყრელიძემ.

ავტორი: ექსპრესნიუსი,

სოციალური ქსელები

საქართველოს მორაგბეთა ნაკრებმა კანადა დაამარცხა - ბორჯღალოსნები ერთა თასზე დაუმარცხებელ სვლას განაგრძობენ

ისრაელის პრეზიდენტმა გადი აიზენკოტს დაავალა მთავრობის ფორმირება

აქცია ვეკუას სკოლასთან

Bloomberg - ევროპამ უარი თქვა რუსეთის უსაფრთხოების მოთხოვნების განხილვაზე მანამ, სანამ უკრაინაში ომი არ დასრულდება