დიდი ბრიტანეთის პრემიერ-მინისტრის, ბორის ჯონსონის განცხადებით, კორონავირუსის ე.წ. ბრიტანული შტამი შესაძლოა, უფრო მომაკვდინებელი იყოს.

ამის შესახებ „ბიბისი“ წერს.

გამოცემის ცნობით, აღნიშნული ვარაუდისთვის რამდენიმე მტკიცებულება არსებობს.

„გარდა იმისა, რომ უფრო სწრაფად ვრცელდება, ახლა უკვე არსებობს რამდენიმე მტკიცებულება, რომ ახალი ვარიანტი, რომელიც პირველად ლონდონში და სამხრეთ აღმოსავლეთით გამოვლინდა, შეიძლება ასოცირებული იყოს სიკვდილიანობის უფრო მაღალ ხარისხთან“, - აცხადებს ბორის ჯონსონი.

ინგლისის საზოგადოებრივი ჯანდაცვის სამსახურმა, ლონდონის კოლეჯმა, ლონდონის ჰიგიენისა და ტროპიკული მედიცინის სკოლამ და ეგზტერის უნივერსიტეტმა კორონავირუსის ახალ შტამზე მტკიცებუელბები შეაგოვეს. ახალი და განვითარებადი რესპირატორული ვირუსის საშიშროების მრჩეველთა ჯგუფის (Nervtag) მეცნიერებმა შეაფასეს და დაასკვნეს, რომ არსებობს „რეალისტური შესაძლებლობა“, რომ აღნიშნული შტამი შესაძლოა, უფრო მომაკვდინებელი იყოს.

გაერთიანებული სამეფოს მთავარმა სამეცნიერო მრჩეველმა, პატრიკ ვალენსმა აღნიშნა, რომ კორონავირუსის ახალ შტამთან დაკავშირებით არსებული მონაცემები ჯერჯერობით მყარი არ არის.

„მინდა აღვნიშნო, რომ ამ რიცხვების გარშემო ბევრი გაურკვევლობაა. ჩვენ გვჭირდება უფრო მეტი მუშაობა, რათა მივიღოთ ზუსტი ინფორმაცია მასზე“, - აცხადებს ვალენსი.

ავტორი: ექსპრესნიუსი,

სოციალური ქსელები

24 მოქმედი თანამდებობის პირი 30 კომპანიის დირექტორიცაა, რაც კანონდარღვევაა - transparency international

დაჯგუფების წევრებს, რომლებიც მამაკაცებს ქალების სახელებით ეცნობოდნენ, შემდეგ სცემდენ და აღაჩაღებდნენ ბრალი წარედგინათ

დააგროვეთ MR ქულები საკრედიტო Amex ბარათით საქართველოს ტერმინალზე - ისარგებლეთ განსაკუთრებული პირობით ბარათის აღებისას

მოსამართლეთა კორუმპირებულობაზე მოსამართლე ნადარაიასა და ნიკა გვარამიას შორის დაპირისპირება იყო - ვიდეო