2021-01-22 11:52:13, 588 ნახვა
მსოფლიო
ხარკოვის მოხუცთა თავშესაფარში გაჩენილი ხანძრის საქმეზე 3 ეჭვმიტანილი დააკავეს
პროკურატურამ ხარკოვის მოხუცთა თავშესაფარში გაჩენილი ხანძრის საქმეზე, 3 ეჭვმიტანილი დააკავა, - ინფორმაციას ადგილობრივი მედია ავრცელებს.
მათი ცნობით, სამართალდამცველებმა სახლის მეპატრონე, შენობის მოიჯარე და ადმინისტრატორი დააკავეს. მედიის ინფორმაციით, მათ ბინებში ჩხრეკა მიმდინარეობს.
შეგახსენებთ, რომ 21 იანვარს ხარკოვში, მოხუცთა თავშესაფარში ხანძარი გაჩნდა. შემთხვევის შედეგად 15 ადამიანი გარდაიცვალა, 5 პირი კი საავადმყოფოში გადაიყვანეს.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
