ენტონი ბლინკენი - თუ საქართველო ჩვენს უსაფრთხოებაში წვლილს შეიტანს, მისთვის ნატო-ს კარი ღია უნდა დარჩეს

2021-01-20 14:10:49, 911 ნახვა

პოლიტიკა

ამერიკის არჩეული პრეზიდენტის, ჯო ბაიდენის მიერ ქვეყნის პირველი დიპლომატის პოსტზე წარდგენილი კანდიდატი, ენტონი ბლინკენი საქართველოს შესახებ საუბრობს.

ბლინკენმა კითხვაზე, კვლავ უჭერს თუ არა მხარს ნატო-ში საქართველოს შეყვანას, განაცხადა, რომ თუ საქართველო კრიტერიუმებს დააკმაყოფილებს და უსაფრთხოებაში წვლილს შეიტანს, მაშინ ნატო-ს კარი ქვეყნისთვის ღია უნდა დარჩეს.

„თუ ქვეყანა, როგორიც საქართველოა, წევრობის კრიტერიუმს დააკმაყოფილებს და ჩვენს საერთო უსაფრთხოებაში წვლილს შეიტანს, დიახ, კარი ღია უნდა დარჩეს. როცა საქმე ნატოს წევრობას ეხება, არსებობს საკმარისი მტკიცებულება იმისა, რომ რუსეთი აგრესიულია იმ ქვეყნების წინააღმდეგ, რომლებიც ნატოში არ არიან და [უსაფრთხოების] ქოლგის ქვეშ არ არიან მოქცეული. ეს აჩვენებს იმას თუ რატომ არ ესხმის თავს რუსეთი [ნატოს წევრებს]“, - განაცხადა ბლინკენმა.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან