დაავადებათა კონტროლის ეროვნული ცენტრის ხელმძღვანელის,ამირან გამყრელიძის განცხადებით, ვაქცინით მოსახლეობის 60% უნდა აიცრას, რათა შეიქმნას იმუნური ფენა.

როგორც ამირან გამყრელიძემ ჯანდაცვის სამინისტროში გამართულ ბრიფინგზე აღნიშნა, საქართველოს კოვაქს პლატფორმა მიაწვდის ვაქცინის 20%-ს, ანუ მილიონ 400 ათას დოზას, რაც გათვლილია 700 000-ს ადამიანზე.

მანვე დასძინა, რომ აღნიშნული ვაქცინაციის გეგმა არ არის გათვლილი 18-წლამდე ასაკის მოსახლეობისთვის.

„ვაქცინაცია კოვიდის პანდემიის პერიოდში გახლავთ ერთ-ერთი მთავარი ორიდან, რომ პანდემია დასრულდეს. ორს როცა ვასახელებთ ერთი არის ვაქცინა და მოსახლეობის მასობრივი ვაქცინაცია, მოსახლეობის დაახლოებით 60% რომ შეიქმნას გაჯერებული იმუნური ფენა და მეორე გახლავთ ახალი ტიპის ანტივირუსული წამლები, ისინი აქტიურად ჩნდება ბაზარზე.

როგორც კი, „კოვაქს პლატფორმა“ დაიწყებს ვაქცინების მიწოდებას ქვეყნებისთვის, რომლებიც გაერთიანებული არიან მის პლატფორმაზე, ის ქვეყნებს თანდათანობით მიაწვდის წლის განმავლობაში 20%-ს საჭირო ვაქცინებისა, ჩვენთვის დათვლილია დაახლოებით 700 000 ადამიანი, მილიონ 400 ათასი დოზა

ანუ კოვაქსის პრინციპია, სანამ ყველა ქვეყანას 20% არ შეუსრულდება და ამისთვის მას წელს 2 მილიარდ დოზა ვაქცინაზე აქვს ხელშეკრულებები, მანამდე დამატებითი დოზები არ იქნება. ჩვენი ვაქცინაციის გეგმა გათვლილია 60%-ზე მოსახლეობისა, ანუ ეს ეხება 18 წელზე მეტი ადამიანებისთვის, 18 წლამდე არ არის კლინიკური კვლევები ვაქცინაციის“, - განაცხადა ამირან გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“

მდინარაძე: ტრადიციული ღირებულებები ქართული საზოგადოების მთავარი ორიენტირია

ცოტნე ივანიშვილი აცხადებს, რომ ძალადობას გმობს, თუმცა არ არის იმ პოზიციაში, რომ რაიმე ქმედითი გააკეთოს

საია: საქართველო 17 მაისს ლგბტქი უფლებებთან დაკავშირებული მწვავე დისკუსიებისა და კრიტიკის ფონზე ხვდება