2021-01-07 11:08:09, 822 ნახვა

---

ვაშინგტონში, კაპიტოლიუმის შენობაზე მომხდარი თავდასხმის გამო, საგანგებო მდგომარეობა 15 დღით გახანგრძლივდა

კაპიტოლიუმის შენობაზე განხორციელებული თავდასხმის გამო, ვაშინგტონში საგანგებო მდგომარეობის რეჟიმი 15 დღით გახანგრძლივდა.

შესაბამისი გადაწყვეტილება დედაქალაქის მერმა, მურიელ ბაუზერმა „ტვიტერის“ ოფიციალურ გვერდზე გამოაქვეყნა.

მიღებული გადაწყვეტილების თანახმად, ვაშინგტონში საგანგებო მდგომარეობა 20 იანვრამდე გაგრძელდება. ამავე დღეს აშშ-ის არჩეული პრეზიდენტის, ჯო ბაიდენის ინაუგურაცია გაიმართება.

ცნობისთვის, ვაშინგტონში, სადაც საპრეზიდენტო არჩევნების შედეგებს ამტკიცებდნენ,   დონალდ ტრამპის მხარდამჭერები კაპიტოლიუმის შენობაში შეიჭრნენ. დემონსტრანტები ჯო ბაიდენის გამარჯვებას აპროტესტებდნენ. შენობიდან კონგრესმენთა ევაკუაცია განხორციელდა, არეულობის შედეგად კი ოთხი ადამიანი დაიღუპა.

I have issued Mayor’s Order 2021-003, extending the public emergency declared earlier today for a total of 15 days, until and unless provided for by further Mayoral Order.

— Mayor Muriel Bowser (@MayorBowser) January 7, 2021

---

ავტორი: ლუკა ცარციძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი