2021-01-04 11:15:11, 638 ნახვა

---

გიორგი კახიანი - ოპოზიციასთან შეხვედრამდე, სადეპუტატო უფლებამოსილების შეწყვეტის საკითხს სიფრთხილით ვუდგებით

ოპოზიციასთან შეხვედრანდე, სადეპუტატო უფლებამოსილების შეწყვეტის საკითხს სიფრთხილით ვუდგებით, - ამის შესახებ პარლამენტის ვიცე-სპიკერმა, გიორგი კახიანმა, საკანონმდებლო ორგანოში ჟურნალისტებთან საუბრისას განაცხადა.

გიორგი კახიანი იმედოვნებს, რომ ოპოზიციასა და ხელისუფლებას შორის მოლაპარაკებების მომდევნო რაუნდზე, მიღებული იქნება კონკრეტული შედეგი.

"ერთ-ერთი მთავარი პოლიტიკურ მოვლენა, რომელიც უახლოეს მომავალში გველოდება არის შეხვედრების მომდევნო რაუნდი და დიდი იმედი გვაქვს, რომ ამ რაუნდზე გადაწყდება საბოლოოდ საკითხი და ჩვენ კონკრეტულ შედეგს მივიღებთ, რაც აისახება იმაში, რომ ოპოზიციის წარმომადგენელთა ნაწილი შემოვა პარლამენტში, ამიტომ ვიდრე ეს შეხვედრა არ შედგება, ჩვენ სიფრთხილით ვუდგებით უფლებამოსილებების შეწყვეტის საკითხს", - განაცხადა გიორგი კახიანმა.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი