30 სექტემბრის 12.00 საათის მონაცემებით, კახეთის რეგიონში 91 ათას ტონამდე ყურძენი გადამუშავდა. ინფორმაციას სოფლის მეურნეობის სამინისტრო ავრცელებს. მათივე ცნობით, მოსავლის რეალიზაციის შედეგად მიღებულმა შემოსავლებმა რეგიონში 56 მლნ ლარს მიაღწია.
"29 სექტემბერს დღეღამურად გადამუშავდა 6 034 ტ, რაც მიუთითებს, რომ რთველი კახეთში კვლავ აქტიურ ფაზაშია. რთველი კახეთის ყველა მუნიციპალიტეტში შეფერხების გარეშე მიმდინარეობს. ღვინის ქარხნებში ყურძენი 12 ათასამდე მევენახემ ჩააბარა.
ამ დროისთვის გადამუშავებულია რქაწითელი 43,5 ათას ტონამდე, საფერავი - 35,5 ათას ტონამდე, ასევე 2,2 ათასი ტონა კახური მწვანე და 10 ათას ტონამდე სხვა ჯიშის ყურძენი.
ყველაზე დიდი რაოდენობით ყურძენი გადამუშავებულია გურჯაანის მუნიციპალიტეტში - 31,1 ათას ტონამდე. კახეთის რეგიონის დანარჩენი მუნიციპალიტეტების მონაცემები ასე გამოიყურება: თელავი - 19,2 ათასი ტ., ყვარელი - 16,7 ათასი ტ., სიღნაღი - 7,4 ათას ტ., ლაგოდეხი- 7,1 ათასი ტ., დედოფლისწყარო - 2,2 ათასი ტ., ახმეტა - 2,6 ათასი ტ. და საგარეჯო - 4,2 ათასი ტონა",-განმარტავენ სოფლის მეურნეობის სამინისტროში.
რთველის მიმდინარეობის შესახებ მოსახლეობის ინფორმირების მიზნით, მუშაობას განაგრძობს ცხელი ხაზი 2 47 01 01 და სპეციალური ინტერნეტ საიტი www.rtveli2015.gov.ge.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ