ჩემთვის გაუგებარია, თუ არ მუშაობ, რატომ გაქვს მოლოდინი, რომ ბიუჯეტი, ხალხის ფული დაგაფინანსებს, - ამის შესახებ ეკონომიკისა და მდგრადი განვითარების მინისტრობის კანდიდატმა, ნათია თურნავამ პარლამენტში, ჟურნალისტებთან საუბრისას განაცხადა.

ნათია თურნავა აშშ-ის ელჩის, კელი დეგნანის განცხადებას გამოეხმაურა და აღნიშნა, რომ ქუჩის გზა, რომელიც აირჩია ოპოზიციამ, უპასუხისმგებლობაა მათი ამომრჩევლის მიმართ.

„რა თქმა უნდა, 9 პარტიას მისცა ამომრჩეველმა ხმა და სწორია რომ ოპოზიციური პარტიები თავის პოლიტიკურ დღის წესრიგს და ცხოვრებას მართავდნენ ცივილიზებულად საპარლამენტო ტრიბუნის გამოყენებით, ვეთანხმებით ელჩს ამ ნაწილში და ზოგადად, ქუჩის გზა, როდესაც ამომრჩეველი ხმას და მანდატს გაძლევს, რომ პარლამენტში წარმოადგინო მათი ინტერესები, უპასუხისმგებლოა ხალხის მიმართ.

რაც შეეხება პარტიების დაფინანსების კანონპრეოექტს, მარტივი ლოგიკაა, ჩემთვის საერთოდ გაუგებარია, თუ არ მუშაობ, რატომ გაქვს მოლოდინი, რომ ბიუჯეტი, ხალხის ფული დაგაფინანსებს. კანონპროექტი აბსოლუტურად გამართული იყო სამართლებრივად და დავინახეთ სხვადასხვა სპეკულაციების საფრთხე და საბოლოო დამტკიცებამდე ამის გამო კანონი გადავუგზავნეთ ეუთო/ოდირსა და ვენეციის კომისიას“, - განაცხადა ნათია თურნავამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ევროსასამართლოს გადაწყვეტილება შსს-ს ხელს არ აძლევს, აზრის დევნის პრაქტიკა აწარმოოს - საია მილაძის საქმეზე

კახეთში, ბოლო ზარის აღნიშვნისას ავტოსაგზაო შემთხვევა მოხდა, რის შედეგადაც რამდენიმე ადამიანი დაშავდა

ჟურნალისტ ნანუკა ჟორჟოლანს ტროტუარზე დგომისთვის, სასამართლომ 3 დღიანი პატიმრობა მიუსაჯა

გერმანული ქალაქი ზაარბრიუკენი, რომელიც თბილისს 1975 წელს დაუძმობილდა, თბილისთან პოლიტიკური ვითარების გამო კავშირს წყვეტს