"თვალს ვადევნებ მედიაში ხელოვნურად შექმნილ ფეიკ კამპანიას უსახლკარო ოჯახებზე, ზოგიერთებმა ასე სახე როგორ უნდა დაკარგოთ", - ამის შესახებ თბილისის მერი კახა კალაძე საკუთარ ფეისბუქ გვერდზე წერს.

მისივე თქმით, ბავშვების ფოტოების მოფრიალე საზოგადოებას სირცხვილის გრძნობა არ აქვს.

"რამდენიმე დღეა თვალს ვადევნებ მედიაში ხელოვნურად შექმნილ ფეიკ კამპანიას უსახლკარო ოჯახებზე. ძალიან ვწუხვარ, რომ მოსახლეობის ნაწილი, მით უმეტეს სოცქსელების მომხმარებლები, აყვნენ ამ ამორალურ მანიპულაციას. ასე სახე როგორ უნდა დაკარგოთ ზოგიერთებმა, რომ ბავშვების საშუალებით "გაამძაფროთ" ყალბი ინფორმაცია?!.

ამის იქით რაღა დარჩა? შემდეგი მანიპულაციისთვის რას და როგორ გამოიყენებთ - წარმოდგენაც კი მზარავს! ვიტყოდი სირცხვილია-ს, მაგრამ ბავშვების ფოტოების მოფრიალეებს, არა მგონია ეს გრძნობა აწუხებდეთ", - აცხადებს კახა კალაძე.

შეგახსენებთ, რომ რამდენიმე დღის წინ თბილისის მერიამ სამგორში, აფრიკის დასახლებაში არსებული უნებართვოდ აშენებული შენობების დემონტაჟი დაიწყო და ადგილობრივებს მსგავსი ნაგებობების საკუთარი ხელით აღებისკენ მოუწოდა.

ავტორი: ექსპრესნიუსი,

სოციალური ქსელები

ბაზისბანკის და სამედიცინო ცენტრ ინოვას პარტნიორობა - ინოვაციური რობოტული ქირურგია საქართველოში

კალაძეს არ მოსწონს სიუჟეტი მასზე ამიტომ ცენზურის დაწესებას მხარს უჭერს

კობახიძე დიუშენის მედიკამენტებზე - საუბარია დაახლოებით 50 მილიონზე ყოველწლიურად

გვარამია - კობახიძემ, ერთი შეხედვით, სიგიჟე გააკეთა: ღია წერილით მიმართა ევროკავშირის ლიდერებს. ცხადია, რომ სიგიჟეა, მაგრამ არა ტყუილად ჰაერში გასროლილი