გარემოს დაცვისა და სოფლის მეურნეობის მინისტრის მოადგილემ, სოლომონ პავლიაშვილმა ონლაინ შეხვედრაში თემაზე „ნარჩენების მართვის სისტემა“ მიიღო მონაწილეობა. შეხვედრაზე ნარჩენების მართვის სისტემის სრულყოფის გზები, ნარჩენების მართვის კოდექსის, სტრატეგიისა და ნარჩენების მართვის ხუთწლიანი გეგმის აღსრულების პროცესი განიხილეს.

„ნარჩენების მართვის პოლიტიკის განმსაზღვრელი გარემოს დაცვისა და სოფლის მეურნეობის სამინისტროა, აღმსრულებლები კი, მუნიციპალიტეტების შესაბამისი სამსახურები. მუნიციპალიტეტებმა უნდა დაიწყონ ნარჩენების სეპარაცია, შემდეგ პროცესში უნდა ჩაერთონ კომპანიები, რომლებიც მზად არიან გადაამუშაონ ნარჩენები და მიიღონ ახალი პროდუქტი. ძალიან მნიშვნელოვანია, ნარჩენების ამოღება, ტრანსპორტირება და განთავსება ისე მოხდეს, რომ გარემო არ დაბინძურდეს“, - განაცხადა სოლომონ პავლიაშვილმა.

ონლაინ შეხვედრაზე, გადამმუშავებელი საწარმოების ასოციაციის წარმომადგენელმა, გიორგი გულიაშვილმა იმ საწარმოებზე ისაუბრა, რომლებიც ქაღალდის, შუშის, პლასტმასის, გამოცვლილი ზეთებისა და საბურავების ნარჩენებს უკვე ამუშავებენ.

მინისტრის მოადგილემ ხაზგასმით აღნიშნა, რომ, პირველ რიგში, ფინანსური მხარდაჭერა უნდა მიიღოს ისეთმა წარმოებამ, რომელიც მწვანე ეკონომიკას და მწვანე სამუშაო ადგილებს ქმნის, მწვანე კონცეფციებსა და უნარჩენო ტექნოლოგიებს ემსახურება.

ონლაინ შეხვედრა „საქართველოს მწვანეთა მოძრაობა/დედამიწის მეგობრების“ თავმჯდომარის, ნინო ჩხობაძის ორგანიზებით გაიმართა. შეხვედრას შესაბამისი სახელმწიფო უწყებების, არასამთავრობო ორგანიზაციების, კერძო სექტორის წარმომადგენლები და ექსპერტები ესწრებოდნენ. 

ავტორი: NS (სტატია დაფინანსებულია),

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი