„არ მეგონა, რომ რომელიმე პოლიტიკური ძალა საქართველოს ერთპარტიულ პარლამენტს აკადრებდა“, - ამის შესახებ საქართველოს ყოფილმა პრეზიდენტმა, გიორგი მარგველაშვილმა განაცხადა.

მანვე აღნიშნა, რომ ესაა ერთპარტიულობის საცოდავი მცდელობა.

„დღეს მართლა მძიმე დღე არის. დღე, რომელიც არასასიამოვნოდ შევა ჩვენს ისტორიაში, ალბათ, ძალიან ბევრი ადამიანისთვის წარმოუდგენელია იყო მაშინ, როდესაც საბჭოთა კავშირის წინააღმდეგ გამოვდიოდით და დამოუკიდებელი, თავისუფალი საქართველოსთვის ვიბრძოდით, რომ ასეთი რამე შეიძლება მომხდარიყო 30 წლის თავზე, რომ საქართველოში შემდგარიყო ერთპარტიული პარლამენტი და სიმძიმე ამ დღის. სიმძიმე ამ დაცემის, რომელიც დღეს ხდება, ჩვენი სახელმწიფოებრივობისთვის ხდება, მე ვფიქრობ, ძალიან მძიმე და ბოლომდე გასააზრებელია. წარმოუდგენელია, რომ თავისუფლების მოყვარე ერს, რომელსაც მრავალჟამიერი იდენტობის ფუნდამენტად გაუხდია, დამოუკიდებლობიდან 30 წლის თავზე გაებედა ვინმეს, რომ ერთპარტიული პარლამენტი შედგებოდა. არ მეგონა, რომ რომელიმე პოლიტიკური ძალა საქართველოს ერთპარტიულ პარლამენტს აკადრებდა. ესაა საცოდავი მცდელობა ერთპარტიულობის“, - განაცხადა მარგველაშვილმა „ტვ.პირველთან“.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

უკრაინამ განაცხადა, რომ ზელენსკი მზადაა პუტინს ანტარქტიდაში შეხვდეს, მაგრამ არა მოსკოვში

კირცხალია ივანიშვილის წარმომადგენელთა სხდომაზე - განვიხილეთ ჩინეთთან ურთიერთობა და სხვა პოლიტიკური საკითხები

ღარიბაშვილი სხდომების დახურვაზე -ჩრდილოვანი მართლმსაჯულების მკაფიო მაგალითია

ბრალი წარედგინა მასწავლებელს, რომელიც 30 წლის წინ, 7 წლის დაზარალებულზე სექსუალურად ძალადობდა - საფარი