„ქართული ოცნების“ აღმასრულებელი მდივნის, ირაკლი კობახიძის განცხადებით, უახლოეს დღეებში საპარლამენტო მუშაობას ოპოზიციის დიდი ნაწილი შემოუერთდება.

როგორც მან ჟურნალისტებთან საუბრისას აღნიშნა, მნიშვნელოვანია, ჯანსაღ და არაჯანსაღ ოპოზიციურ პარტიებს შორის ზღვარი გაივლოს.

„დღეს არის ძალიან მნიშვნელოვანი დღე. დღეს შედგება მე-10 მოწვევის პარლამენტის პირველი სხდომა და იწყება ახალი, 4-წლიანი პოლიტიკური ციკლი. დარწმუნებული ვართ, რომ უახლოეს დღეებში ოპოზიციის დიდი ნაწილი შემოუერთდება საპარლამენტო მუშაობას. მნიშვნელოვანია ის, რომ საბოლოო ჯამში გაივლოს ზღვარი ჯანსაღ და არაჯანსაღ ოპოზიციურ პარტიებს შორის. არაჯანსაღი პოლიტიკური პარტიების ადგილი საქართველოს პარლამენტში და ქართულ პოლიტიკაში არ არის. ჯანსაღ ოპოზიციურ პოლიტიკურ პარტიებს უნდა მიეცეს იმის შანსი, რომ მაქსიმალურად ჩაერთონ საპარლამენტო მუშაობასა და პოლიტიკურ ცხოვრებაში“, - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

კალაძეს არ მოსწონს სიუჟეტი მასზე ამიტომ ცენზურის დაწესებას მხარს უჭერს

კობახიძე დიუშენის მედიკამენტებზე - საუბარია დაახლოებით 50 მილიონზე ყოველწლიურად

გვარამია - კობახიძემ, ერთი შეხედვით, სიგიჟე გააკეთა: ღია წერილით მიმართა ევროკავშირის ლიდერებს. ცხადია, რომ სიგიჟეა, მაგრამ არა ტყუილად ჰაერში გასროლილი

ცენზურის დაწესებისას, შსს-ს შეეძლება, თავად შეაგროვოს ინფორმაცია, ან საჯარო ინფორმაციის საფუძველზე წამოიწყოს კონკრეტული საქმეები