გლდანში, კეცხოველის ქუჩაზე სანიაღვრე ქსელისა და წყლის სისტემების მოწყობის სამუშაოები დასასრულს უახლოვდება - ამის შესახებ დედაქალაქის მერმა თბილისის მთავრობის სხდომაზე განაცხადა.

როგორც კახა კალაძემ  აღნიშნა,  უხვი ნალექის დროს კეცხოველის და  მიმდებარე ქუჩების დატბორვის  მიზეზი  ამ ქუჩებზე სანიაღვრე სისტემების არარსებობა იყო. 

მისივე თქმით, კეცხოველის ქუჩის სანიაღვრე სისტემის დაერთება ხიზანიშვილის ქუჩის ცენტრალურ სანიაღვრე სისტემაზე, საბოლოოდ მოაგვარებს უხვი ნალექით გამოწვეულ პრობლემებს.

„სრულდება კეცხოველის ქუჩაზე სანიაღვრე ქსელის მოწყობის სამუშაოები. თქვენ იცით, რომ ძლიერი წვიმების დროს სერიოზულ პრობლემას წარმოადგენს სანიაღვრე ქსელი და მთელი დატვირთვა მოდის ამ ორ ცენტრალურ ქუჩაზე - ხიზანიშვილზე და ვეკუაზე. გვაქვს პრობლემა, რომ არცერთ იმ ქუჩაზე, რომელიც უერთდება ვეკუა -ხიზანიშვილის ქუჩებს, არ არსებობს სანიაღვრე სისტემა, რაც სერიოზულ პრობლემას წარმოადგენს და პირდაპირ გზაზე მოედინება ეს დაგროვილი წყლები. რა ხდება კორპუსების ეზოებში, ამაზე აღარ გავაგრძელებ საუბარს. ფოტოებზეც ჩანს, წვიმის დროს რამდენად მძიმე სურათია. შესაბამისად, გამგეობას დავალებული აქვს, რომ ყველა ეზოში მოეწყოს სანიაღვრეები და ასევე, მინდა, თბილისის ინფრასტრუქტურის განვითარების საქალაქო სამსახურს დავავალო,  სანიაღვრე ქსელისა და წყლის სისტემების მოწყობის მიმდინარე სამუშაოების დასრულების შემდეგ, ეს ქსელი დაერთდეს ხიზანიშვილის ქუჩაზე, ცენტრალურ მილზე. ეს სამუშაოები რამდენიმე დღეში მთლიანად უნდა იყოს დასრულებული იმისთვის, რომ უხვი ნალექის მოსვლით გამოწვეული პრობლემები თავიდან ავირიდოთ“, - განაცხადა კახა კალაძემ.

ავტორი: NS (სტატია დაფინანსებულია),

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი