თურქეთში 304 სამხედრო მოსამსახურის დაკავების ორდერი გაიცა.

ამის შესახებ ინფორმაციას „როიტერსი“ ადგილობრივ მედიაზე დაყრდნობით ავრცელებს.

სააგენტოს ცნობით, საქმე ეხება 2016 წელს სამხედრო გადატრიალების მცდელობის ფარგლებში ჩატარებულ ოპერაციას.

თურქეთის ხელისუფლებამ სამხედრო გადატრიალების მცდელობაში აშშ-ში მცხოვრები სასულიერო პირი, ფეთჰულა გიულენი დაადანაშაულა. თავად გიულენი პუტჩის მცდელობაში მონაწილეობას უარყოფს.

ცნობისთვის, 2016 წელს თურქეთში მომხდარი სამხედრო გადატრიალების მცდელობისას 250 ადამიანი დაიღუპა. გადატრიალების მცდელობის შემდეგ პოლიციამ 80 ათასი ადამიანი დააკავა, ხოლო 150 ათასი საჯარო პირი სამსახურებიდან გაათავისუფლეს. ამასთან, თურქეთის სამხედრო სამსახურიდან 20 ათასზე მეტი ადამიანი გააძევეს.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა