ევროკომისარი ოლივერ ვარჰეი - ევროკავშირი ქართველი ხალხის გვერდითაა და უზრუნველყოფს მათ დახმარებას მრავალი მიმართულებით

2020-12-03 21:46:18, 518 ნახვა

პოლიტიკა

ევროკავშირი ქართველი ხალხის გვერდითაა და მრავალი მიმართულებით უზრუნველყოფს მათ დახმარებას, - ამის შესახებ ევროპული სამეზობლო პოლიტიკისა და გაფართოების საკითხებში ევროკომისარი ოლივერ ვარჰეი ტვიტერზე წერს.

მანვე აღნიშნა, რომ ესაუბრა პრემიერ-მინისტრ გიორგი გახარიას და პარტიებს შორის დიალოგის მნიშვნელობას გაუსვა ხაზი.

„საქართველოს პრემიერ-მინისტრ გიორგი გახარიასთან ბოლოდროინდელი მოვლენების განვითარების შესახებ დღეს კარგი საუბარი მქონდა. საუბრისას ხაზი გავუსვი პარტიებს შორის დიალოგის მნიშვნელობას და კორონავირუსულ ინფექციასთან ბრძოლას. ევროკავშირი საქართველოსა და ქართველი ხალხის გვერდით დგას და მრავალი მიმართულებით უზრუნველყოფს დახმარებას, მათ შორის, ეკონომიკური მდგომარეობის აღდგენის მიზნითაც. ჩვენი საერთო პრიორიტეტია მეტი ევროკავშირი“, – აღნიშნავს ევროკომისარი.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან