თბილისის მეტროს მემანქანეთა დამოუკიდებელი პროფესიული კავშირი „ერთობა 2013“ განცხადებას ავრცელებს სადაც აღნიშნულია, რომ მეტროს მემანქანეების და სხვა პოზიციებზე დასაქმებული თანამშრომლების დიდი ნაწილი ინფიცირებულია.

როგორც კომპანიაში აცხადებენ, საჭიროა სასწრაფოდ მკაცრი შეზღუდვების მიღება დარამდენიმე ხნით მეტროპოლიტენისთვის მუშაობის შეჩერება, რათა ვირუსის უკონტროლოდ გავრცელება შეჩერდე.

განცხადებაში აღნიშნულია, რომ ვირუსის გავრცელების პირველივე დღიდან, „ერთობა 2013“-მა მოითხოვა პრევენციული ღონისძიებების მიღება, მათ შორის, მეტროპოლიტენის მუშაობის დროის შემცირება, 7:00 საათიდან - 21:00 საათამდე და მემანქანეების რესურსის განაწილება, რაც 10 დღის განმავლობაში ერთი ჯგუფის მუშაობას, მომავალი 10 დღის განმავლობაში კი, სხვა ჯგუფის მუშაობას ითვალისწინებდა, თუმცა სატრანსპორტო კომპანიამ აღნიშნული წინადადება უყურადღებოდ დატოვა.

„ასევე მოვითხოვეთ თანამშრომლებისათვის ჩაეტარებინათ კოვიდის ტესტები, ეს კი განახორციელეს ისე, რომ ტესტი ჩაატარეს სისხლის ანალიზებზე, რაც რეალურ სურათს ვერ ასახავს.რადგან დაინფიცირებიდან 5-7 დღეის შემდეგ აჩვენებს ზუსტ პასუხს ხსენებული ტესტი. ანუ, სიმპტომის შემჩნევის მეორე დღეს მიდიოდნენ ტესტზე, სადაც პასუხი რათქმაუნდა უარყოფითი იყო, დამშვიდებული და ,,ჯანმრთელი" თანამშრომელი ბრუნდებოდა სამსახურში, (რომელსაც, სამი-ოთხი დღის შემდეგ PCR ტესტით დაუდასტურდა კოვიდი, რაც თავისი ხარჯებით გააკეთა) რომელიც, იქცა სხვა თამშრომლების ინფიცირების წყაროდ. გასულ კვირას კი ,,ერთობა 2013"_ის თავმჯდომარის დაჟინებული მოთხოვნით, მემანქანეები გააგზავნეს ლუგარის ლაბორატორიაში ტესტირებაზე, რომელთა ნაწილს მეორე დღეს, სამუშაოს შესრულების დროს, მოუვიდათ დადებითი პასუხები. ამ დროს მათთან კონტაქტი ქონდა კიდევ სხვა ბევრ თანამშრომელს. (მგონი ხვდებით რასთან გვაქვს საქმე)“, - აღნიშნულია განცხადებაში.

პროფესიული კავშირი ამ ყველაფერზე სრულ პასუხისმგებლობას სატრანსპორტო კომპანიის გენერალურ დირექტორს და მენეჯერს აკისრებს. 

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი