ამერიკის შეერთებული შტატების სახელმწიფო მდივანი მაიკ პომპეო, რომელიც ოფიციალური ვიზიტით საქართელოში იმყოფებოდა, პრეზიდენტ სალომე ზურაბიშვილთან, პრემიერ-მინისტრ გიორგი გახარიასთან, საგარეო საქმეთა მინისტრ დავით ზალკალიანთან და კათოლიკოს პატრიარქ ილია მეორესთან შეხვედრას სოციალურ ქსელ „ტვიტერში“ ეხმაურება.

„სასიამოვნო იყო საქართველოს პრეზიდენტთან, სალომე ზურაბიშვილთან თბილისსში შეხვედრა. აშშ-სთან საქართველოს თანამშრომლობას უდიდესი მნიშვნელობა აქვს და ჩვენი მხარდაჭერა საქართველოს სუვერენიტეტისადმი, რუსეთის ოკუპაციის პირობებში, ურყევია", - წერს მაიკ პომპეო.

გარდა ამისა, მაიკ პომპეო პრემიერ-მინისტრ გიორგი გახარიასთან და საგარეო საქმეთა მინისტრ დავით ზალკალიანთან შეხვედრასაც ეხმაურება.

„მოხარული ვარ, რომ შევხვდი პრემიერ-მინისტრ გიორგი გახარიას და საგარეო საქმეთა მინისტრ დავით ზალკალიას. ჩვენ ვიმსჯელეთ საქართველოში თავისუფალი, სამართლიანი და გამჭვირვალე არჩევნების ჩატარების მნიშვნელობაზე. მე დავადასტურე კიდევ ერთხელ, რომ აშშ-ს მხარდაჭერა საქართველოს სუვერენტიტეტის მიმართ რუსეთის ოკუპაციის პირობებში, ურყევია", - აღნიშნა მაიკ პომპეომ.

ამასთანავე, აშშ-ს სახელმწიფო მდივანი ილია მეორესთან გამართულ შეხვედრასაც ეხმაურება და აღნიშნავს, რომ მათ განიხილეს საქართველოს როლი რელიგიის თავისუფლების მხარდაჭერის კუთხით.

„ჩემთვის დიდი სიამოვნება იყო, რომ შევხვდი მის უწმინდესობას, საქართველოს მართლმადიდებლური ეკლესიის პატრიარქს, ილია მეორეს. როგორც საერთაშორისო რელიგიური თავისუფლების ალიანსის წევრის, საქართველოს როლი რელიგიური თავისუფლების და პოპულარიზაციის დაცვაში შეუძლებელია იყოს გადაჭარბებული“, - წერს მაიკ პომპეო.

შეგახსენებთ, რომ ამერიკის შეერთებული შტატების სახელმწიფო მდივნის, მაიკ პომპეოს ოფიციალური ორდღიანი ვიზიტი საქართველოში, დასრულდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია