2015-09-24 17:17:23, 822 ნახვა

---

ხადური: თელია სონერას მიერ მუშაობის სტრატეგიის შეცვლა, საქართველოში მობილური კავშირგაბმულობის მუშაობას არ შეეხება

საქართველოს ფინანსთა მინისტრის, ნოდარ ხადურის განცხადებით, კომპანია "ჯეოსელი" ქართული ბაზრიდან არ გადის.
ამის შესახებ ხადურმა ჟურნალისტებს თელია სონერას გადაწყვეტილებასთან დაკავშირებით განუცხადა, რომლის მიხედვითაც, კომპანია ევრაზიულ ზონას ტოვებს და მუშაობის გაგრძელებას  ბალტიისპირეთის ქვეყნებში  აპირებს.
ხადურის თქმით, თელია სონერას მიერ მუშაობის სტრატეგიის შეცვლა, საქართველოში მობილური კავშირგაბმულობის მუშაობას არანაირად არ შეეხება.
""ჯეოსელი" არ გადის ქართული ბაზრიდან, თელია სონერა იცვლის თავის მუშაობის სტრატეგიას, მაგრამ ეს არანაირად არ შეეხება მობილური კავშირგაბმულობის მუშაობას საქართველოში. ამ ეტაპზე კომპანია ფუნქციონირებს, მის საქმიანობას ხელი არ ეშლება და არანაირი რაღაც სერიოზული გართულებები არ არის",-განაცხადა ნოდარ ხადურმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი