2020-11-08 17:06:34, 550 ნახვა
პოლიტიკა
ოპოზიცია ხელისუფლებას 3 ძირითადი მოთხოვნით მიმართავს
ოპოზიცია „ქართულ ოცნებას“ 3 ძირითადი მოთხოვნით მიმართავს.
აღნიშნული მოთხოვნები რუსთაველზე, პარლამენტის წინ მიმდინარე აქციაზე "ევროპული საქართველოს" ერთ-ერთმა ლიდერმა, ელენე ხოშტარიამ გააჟღერა.
ელენე ხოშტარიას თქმით, პირველი მოთხოვნა ხელახალი საპარლამენტო არჩევნების ჩატარებაა.
ამასთანავე, ისინი ითხოვენ ცესკო-ს თავმჯდომარის, თამარ ჟვანიას გადაყენებას და ცენტრალური საარჩევნო კომისიის სამართლიანი წესით დაკომპლექტებას.
გარდა ამისა, ოპოზიცია ითხოვს პოლიტპატიმრების გათავისუფლებას.
როგორც ოპოზიციურმა ლიდერებმა აქციაზე დასძინეს, წამზომი ჩართულია და აღნიშნული სამი პუნქტის შესასრულებლად, ივანიშვილს 20:00 საათამდე აქვს დრო.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
