საქართველოს ინოვაციების და ტექნოლოგიების სააგენტოს მხარდაჭერით სტარტაპებისთვის პირველი რეგიონალური შეხვედრა Startup Touch გაიმართა, რომელიც  ონლაინ რეჟიმში ჩატარდა. ღონისძიებამ 50-მდე სტარტაპის დამფუძნებელი და საერთაშორისო დონის ინვესტორები, აქსელერატორები და კომპანიები გააერთიანა. 

ღონისძიების მთავარი მიზანი იყო სტარტაპებისთვის საჭირო ინფორმაციის მიწოდება ბიზნესის ზრდაზე, სხვადასხვა ქვეყნის მოქალაქეების დაკავშირება ერთმანეთთან, საქართველოს წარმოჩენა, როგორც ახალი და კარგი ბიზნეს გარემო ანტრეპრენერებისათვის და ინვესტორებისთვის.

ღონისძიების მსვლელობისას ბიზნესების დამფუძნებლებმა და დამსწრეებმა მონაწილეობა მიიღეს ცხრა ვორქშოპში, რომლებსაც ატარებდნენ ისეთი კომპანიები, როგორებიც არიან: 500 Startups, Google Launchpad, Funderbeam, Start - Business Solutions, Blue Lake Accelerator, Genesis Investments, lemlist.com და Rimon Law. ამასთან ერთად ორი დღის განმავლობაში 250-ზე მეტი შეხვედრა გაიმართა, სტარტაპებს შესაძლებლობა ჰქონდათ სხვადასხვა კომპანიის წარმომადგენლებისგან პროფესიული რჩევები მოესმინათ. ღონისძიების პარტნიორების დახმარებით კი ბიზნესმეწარმეები ინვესტორებს შეხვდნენ.

ღონისძიების მონაწილე სტარტაპებს შესაძლებლობა ჰქონდათ ასევე  ვირტუალურ გამოფენაზე საკუთარი პროექტები გამოეტანათ და საერთაშორისო ინვესტორების, GITA-ს, Emerging Europe-ს, Overkill Ventures-ს, Funderbeam-ს, Rockstart Accelerator-ს, Techstars Israel-ს, Tera Ventures-ს and 500 Startups-ის წარმომადგენლებისთვის შეეთავაზებინათ.  

Touch გეგმავს თავისი საქმიანობის მეხუთე წელს ჩაატაროს Touch Digital Summit 2020, რომელიც 20-29 ნოემბერს ასევე დისტანციურად ჩატარდება.

ღონისძიების მხარდამჭერები იყვნენ: Onesoul.io, ბილაინი, საქართველოს ბანკი, Caucasus Business Week. 

ავტორი: NS (სტატია დაფინანსებულია),

სოციალური ქსელები

უკრაინამ სანქტ-პეტერბურგთან ახლოს რუსეთის ერთ-ერთ უდიდეს ნავთობგადამამუშავებელ ქარხანას დაარტყა

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს