ავსტრიაში საქართველოს საელჩო ვენაში მიმდინარე სპეცოპერაციის გამო მოქალაქეებს აფრთხილებს.

„მოქალაქეთა საყურადღებოდ. ვენაში მიმდინარე სპეცოპერაციის გამო, ავსტრიის შინაგან საქმეთა სამინისტრო მოუწოდებს ყველას, სპეცოპერაციის დასრულებამდე თავი აარიდონ საზოგადოებრივი თავშეყრის ადგილებს და დარჩნენ სახლში.

საჭიროების შემთხვევაში, დაგვიკავშირდით საელჩოს ცხელი ხაზის ნომერზე +43 676 3259839“,- აღნიშნულია ავსტრიაში საქართველოს საელჩოს ინფორმაციაში.

ეს არის ტერორისტული თავდასხმა ვენაზე - ამის შესახებ, ავსტრიის შინაგან საქმეთა მინისტრმა კარლ ნეჰამერმა განაცხადა.
OE24.TV-ს ცნობით, 10 -მდე შეიარაღებული თავდამსხმელია ვენის ქუჩებში, 6 სხვადასხვა ლოკაციაზე მობილიზებული, კვლავ ისმის სროლებიც.  ტელევიზია ავრცელებს ინფორმაციას, რომ მოკლულია 7 მდე მოქალაქე და დაშავებულია 15-ზე მეტი. 
პოლიცია მოქალაქეებს სახლებში გამოკეტვისკენ მოუწოდებს. ''დარჩით სახლში, არ მიხვიდეთ ფანჯრებთან, არ გაუღოთ კარი არავის''
ვენის პოლიციის ცნობით, ქალაქის ცენტრზე თავდასხმა მოხდა 20 საათზე. რამდენიმე ეჭვმიტანილი შეიარაღებულია ე.წ ვინტოვკებით. სროლა მიმდინარეობს ვენის ცენტრში 6 ლოკაციაზე.
ამ დროისთვის მოკლულია ერთი ოფიცერი, რამდენიმე დაჭრილი.
1 თავდასხმელი პოლიციის თანამშრომლებმა ადგილზე მოკლეს.

ავტორი: ექსპრესნიუსი,

სოციალური ქსელები

უკრაინამ სანქტ-პეტერბურგთან ახლოს რუსეთის ერთ-ერთ უდიდეს ნავთობგადამამუშავებელ ქარხანას დაარტყა

საფრანგეთის საგარეო საქმეთა მინისტრმა განაცხადა, რომ ევროპელები აბუ-დაბიში უკრაინის საკითხზე მოლაპარაკებებში მიიღებენ მონაწილეობას

მოსკოვის რეგიონში გაყიდვების მხრივ სიდიდით მეორე ბენზინგასამართი სადგურების ქსელმა ფუნქციონირება შეწყვიტა

პოლონეთი კრაკოვში თავდასხმას ტერორისტულ აქტად აკვალიფიცირებს