2020-10-22 13:39:35, 662 ნახვა
სამართალი
ადვოკატის განცხადებით, შაქარაშვილის საქმეზე დაკავებული საბა გოგშელიძე მზადაა ბრალდება აღიაროს
ფეხბურთელ გიორგი შაქარაშვილის საქმეზე ერთ-ერთი დაკავებული, საბა გოგშელიძე მზადაა ბრალდება აღიაროს.
ამის შესახებ გოგშელიძის ადვოკატმა განაცხადა.
„დიდი ალბათობით, დღეს დავაყენებთ შუამდგომლობას საქმის გამოყოფასთან დაკავშირებით. დიახ, საბა გოგშელიძე მზადაა აღიაროს ბრალდება“, - განაცხადა ადვოკატმა.
ცნობისთვის, საბა გოგშელიძეს კიდევ 7 პირის სასამართლო ძალადობას, ჯგუფური ძალადობის ორგანიზებას, მასში მონაწილეობას, სხეულის მსუბუქ დაზიანებასა და თავისუფლების უკანონო აღკვეთას ედავებიან.
აღნიშნული 8 პირის წინასასამართლო სხდომა ამ წუთებში თბილისის საქალაქო სასამართლოში მიმდინარეობს.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
