მიწათსარგებლობის მონიტორინგის ეროვნულ  სააგენტოს შორის თანამშრომლობის მემორანდუმი გაფორმდა. მემორანდუმს საჯარო რეესტრის თავმჯდომარემ ნათია ჩირიკაშვილმა და მიწის მდგრადი მართვის სააგენტოს თავმჯდომარემ გიორგი მიშელაძემ მოაწერეს ხელი. 

მემორანდუმის მიზანი ნაკვეთების კატეგორიების მიხედვით მიწის აღრიცხვიანობის მოწესრიგებაა, რაც ქვეყანაში მიწის მართვისა და მიწის ადმინისტრირების ხარისხს გააუმჯობესებს, ხელს შეუწყობს მიწის სრულფასოვანი ბაზრის ჩამოყალიბებას და სასოფლო-სამეურნეო წარმოების განვითარებას.

"მიწის ბაზრის განვითარების მიმართულებით საჯარო რეესტრი არაერთ მნიშვნელოვან პროექტს ახორციელებს. მათ შორისაა მიწის რეგისტრაციის მასშტაბური რეფორმა, რომლის ფარგლებშიც 4 წელიწადში 900 ათასი მიწის ნაკვეთი დარეგისტრირდა. ამ მემორანდუმით კი, საჯარო რეესტრი  სისტემური რეგისტრაციის საველე სამუშაოებისას ნაკვეთების კატეგორიებთან დაკავშირებით ფაქტობრივი მდგომარეობის ამსახველ მონაცემებსაც შეაგროვებს, რითიც ჩვენს მეგობარ უწყებას მიწის ფონდის შესახებ რეალური სურათის  შექმნაში ხელს შევუწყობთ,"  – განაცხადა  ნათია ჩირიკაშვილმა.

მემორანდუმის თანახმად, მიწის კატეგორიების შესახებ ინფორმაციას საჯარო რეესტრი კახეთში, შიდა ქართლსა და ქვემო ქართლში შეაგროვებს, კერძოდ, იმ ადმინისტრაციულ ერთეულებში, სადაც, მსოფლიო ბანკის დაფინანსებით, „ირიგაციის და მიწის ბაზრის განვითარების პროექტი" მიმდინარეობს.  საჯარო რეესტრის საველე ჯგუფები სისტემური რეგისტრაციის საკადასტრო სამუშაოების წარმოებისას, პარალელურად, სახნავი, სათიბი, საძოვარი თუ საკარმიდამო ნაკვეთების შესახებ ფაქტობრივ ინფორმაციას შეაგროვებენ, საჯარო რეესტრის მიერ დამუშავებულ ფაქტობრივ მონაცემებს მიწის მდგრადი მართვისა და მიწათსარგებლობის მონიტორინგის ეროვნული სააგენტო მიწის ბალანსის შესადგენად და მონაცემთა ერთიანი ბაზის შესაქმნელად  გამოიყენებს.

ავტორი: NS (სტატია დაფინანსებულია),

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან