სომხეთის მთავრობა - ღამის განმავლობაში ბრძოლის შედეგად, აზერბაიჯანის არმიას ცოცხალი ძალის დიდი დანაკარგი აქვს

2020-10-12 10:36:28, 1491 ნახვა

მსოფლიო

გასული ღამის განმავლობაში ბრძოლების შედეგად აზერბაიჯანის არმიას ცოცხალი ძალისა და სამხედრო ტექნიკის დიდი დანაკარგი აქვს, - ამის შესახებ ინფორმაციას სომხეთის მთავრობა ავრცელებს.

მათი ინფორმაციით, აზერბაიჯანის არმია დილიდან ყარაბაღის სამხრეთ მიმართულებას ბომბავს.

„მტერი განსაკუთრებით აქტიურობდა ჩრდილოეთის, ჩრდილო – აღმოსავლეთისა და სამხრეთის მიმართულებით. მოწინააღმდეგის ძალების ყველა მცდელობა შეიცვალოს ოპერატიულ-ტაქტიკური მდგომარეობა მათ სასარგებლოდ, თავდაცვის არმიის ნაწილები აღკვეთეს. მტერმა განიცადა ცოცხალი ძალისა და სამხედრო ტექნიკის დიდი დანაკარგი.

დილით მოწინააღმდეგემ განაახლა სროლა, რომელსაც თან ახლავს საარტილერიო ცეცხლი, რომელიც ასევე იქნა აღკვეთილი თავდაცვის არმიის ქვედანაყოფების ადეკვატური მოქმედებების შედეგად“, - აცხადებენ უწყებაში.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან