2020-10-03 13:16:36, 622 ნახვა
პოლიტიკა
მარნეულის საკრებულოს წევრმა „ქართული ოცნება“ დატოვა და „ნაციონალურ მოძრაობას” შეუერთდა
მარნეულის საკრებულოს წევრმა „ქართული ოცნებიდან”, ილხამ გასანოვმა მმართველი გუნდი დატოვა და „ნაციონალურ მოძრაობას” შეუერთდა.
ამის შესახებ მარნეულში გამართულ აქციაზე „ნაცმოძრაობის“ წევრმა დავით კირკიტაძემ განაცხადა.
„მარნეულში ძალადობრივ აქტს საკრებულოს თავმჯდომარე ხელმძღვანელობდა და ეს ყველამ კარგად დავინახეთ. ბატონი ილხამ გასანოვი, რომელიც იყო „ქართული ოცნების“ მაჟორიტარი და ყველა იმ ფაქტის შემდეგ, რაც ჩაიდინა „ქართულმა ოცნებამ”, მან გადაწყვიტა დატოვოს „ქართული ოცნება” და შემოუერთდეს „ნაციონალურ მოძრაობას”. ის არის მარნეულის საკრებულოს მოქმედი დეპუტატი”,- განაცხადა კირკიტაძემ.
ავტორი: ცოტნე ტალახაძე, ექსპრესნიუსის რეპორტიორი 2019 წლიდან
epn.ge (@expressnews.ge)
