გაერთიანებული ოპოზიციის სია არის გარკვეულწილად, კოალიციური სია, რადგან სრულიად სხვადასხვა ძალებით, სხვადასხვა წარმომავლობის ხალხმა მონახა ძალა, დადგეს ერთად, – ამის შესახებ საქართველოს ყოფილმა პრეზიდენტმა, მიხეილ სააკაშვილმა ვიდეომიმართვაში განაცხადა.

„დღეს ერთიანმა ოპოზიციამ „ნაციონალურ მოძრაობასთან“ ერთად წარადგინა თავისი საარჩევნო სიები პროპორციულ მანდატებზე და ეს არის მართლაც, ჩემს მახსოვრობაში, საუკეთესო საარჩევნო სია, რომელიც როდესმე ვინმეს წარუდგენია საქართველოში. ეს არის შეჯამება სხვადასხვა ეპოქების, წარმატებული გამოცდილების, პროფესიონალების, ახალგაზრდების, ენერგიის, პატრიოტიზმის და ყველაფერს იმისა, რაც საჭიროა ახლა საქართველოს ჭაობიდან ამოსაყვანად. სიის სათავეშია ბუბა კიკაბიძე, ის არის ადამიანი, რომელიც არასდროს მიეყიდა არც ოლიგარქს და არც ოლიგარქის პატრონს იმიტომ, რომ მას სთავაზობდნენ მრავალ მილიონ დოლარს, რომ ჩასულიყო და ერთხელ მაინც ემღერა რუსეთში რუსეთის მთავრობისთვის. მან ყოველთვის თქვა ამ ცდუნებაზე უარი და ძალიან მაღლა დაიჭირა ღირსება, უფრო მეტიც, მისი უამრავი ინტერვიუ არის ის, რაზეც ძალიან ხშირად აპელირებენ ევრაზიის უზარმაზარ სივრცეში, რადგან ის არის ერთ-ერთ არის ერთ-ერთი ყველაზე ცნობილი ქართველი მთელს მსოფლიოში. სიაში არის ნონა მამულაშვილი, ეს არის ძალიან მაგარი პოლიტოლოგი, ეკონომიკის სპეციალისტი, სორბონის უნივერსიტეტის მეცნიერებათა დოქტორი, სრულიად ახალი ადამიანი ქართული პოლიტიკაში, რომელიც მანამდე არ ყოფილა არც ერთ პარტიაში, ასეთი ხალხი უერთდება „ნაციონალურ მოძრაობას“. აქ არის მანუჩარ კვირკველია, რომელიც პეკინის ოლიმპიადის დროს, როდესაც საქართველოს ბომბავდნენ, მოიპოვა ოლიმპიური ტიტული და დაამარცხა ფინალში რუსი მეტოქე“, – განაცხადა სააკაშვილმა.

მისი თქმით, ყველა ლიდერი პროპორციულად გადანაწილდა სიის მინიმუმ 60-70 ადამიანზე.

„ყველა ლიდერი პროპორციულად გადანაწილდა სიის მინიმუმ 60-70 ადამიანზე, ეს ნიშნავს, რომ ჩვენ ვართ დარწმუნებული, ყველა ეს ლიდერი გავა, მოემსახურება ხალხს და პარლამენტის, აღმასრულებელი ხელისუფლების მეშვეობით შეცვლის საქართველოში რეალობას. აქ არის დევი ჭანკოტაძე, საქართველოს ეროვნული გმირი, რომელიც იყო აფხაზეთის დროს არტილერიის მეთაური და ვიდრე დევი იყო აფხაზეთში, მანამდე ვერავინ იღებდა ქართველების კუთვნილ ტერიტორიას. როგორც კი არტილერია და დევი გამოიყვანეს შევარდნაძის ბრძანებით, დაეცა სოხუმი, მაგრამ სწორედ დევის გმირული ქმედებების შედეგად შევინარჩუნეთ რამდენიმე დღე ფრონტი, ვიდრე მოვახდინეთ საერთაშორისო ძალების მობილიზაცია საქართველოს სახელმწიფოებრიობის გადასარჩენად 2008-ში. დევი რომ ჩვენთან არის, ეს ჩემთვის ძალიან ბევრს ნიშნავს“, – აღნიშნა სააკაშვილმა.

ავტორი: ექსპრესნიუსი,

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან