გლდანის ციხესთან მსჯავრდებულთა ოჯახის წევრები აქციას მართავენ.

აქციის მონაწილეები გლდანის ციხის უფროსის სამართლებრივ პასუხისმგებლობას ითხოვენ.

მათი თქმით, N8 პენიტენციური დაწესებულებაში ოთხმა პატიმარმა თვითდაზიანებები მიიყენა, რადგან მათ დაწესებულების დირექტორი სექსუალური ძალადობით დაემუქრა.

„ბატონი ქინქლაძე, რომელიც ჯალათად არის გადაქცეული, აგრძელებს პატიმრებზე ზეწოლას. მან დაარეკინა რამდენიმე ადამიანს, რომ თითქოს მე აქცია არ უნდა გამეკეთებინა და არ უნდა მეთქვა ის სიმართლე, რაც არის. ვპირდები, რომ ამას არ ვაპატიებ. არ ვაპატიებ, რომ ასე ექცევა პატიმრებს. ის მთვრალი დადის ციხეზე და პატიმრებს შეურაცხყოფას აყენებს, იქ ჰყავს პრივილეგირებული პატიმრები, რომლებსაც არ ეხება, ხოლო ვისთანაც გასდის ცუდ დღეში აყენებს. ფაქტია, რომ მის უფლებამოსილებებს ბოროტად არღვევს. ის აპელირებს, რომ თურმე ქალბატონი წულუკიანისა და ბატონი ბიძინას ახლობელია“, - განაცხადა ადვოკატმა ალექსანდრე კობაიძემ.

ცნობისთვის, სპეციალური პენიტენციური სამსახურის განცხადებით, ინფორმაცია, რომ N8 პენიტენციური დაწესებულებაში ოთხმა პატიმარმა თვითდაზიანებები მიიყენა, რადგან მათ დაწესებულების დირექტორი სექსუალური ძალადობით დაემუქრა, ამ დაწესებულების დისკრედიტაციას ემსახურება.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს