ფურცხვანიძის განცხადებით, ბაჩალიაშვილის გარდაცვალება უკავშირდება ფინანსურ თაღლითობას, რომელშიც ერთ-ერთი ფიგურანტი აბრაჰამ რეიხბახია

2020-09-21 14:34:04, 808 ნახვა

სამართალი

"სპუტნიკ საქართველოს" დამფუძნებლის, დავით ფურცხვანიძის განცხადებით, თამარ ბაჩალიაშვილის გარდაცვალება უკავშირდება ფინანსურ თაღლითობას, რომელშიც ერთ-ერთი ფიგურანტი აბრაამ რეიხბახია.

მისი თქმით, საქმე უკავშირდება საერთაშორისო ფინანსურ თაღლითობას, რომელშიც სამხრეთ კავკასიაა ჩართული და რომელშიც საქართველოს გარკვეული ადგილი უკავია.

„ეს არის მასშტაბური ფინანსური თაღლითობა. ეს არის საერთაშორისო მასშტაბის და მასში ჩარეულია სამხრეთ კავკასია თავისი ქვეყნებით და საქართველოს უკავია გარკვეული როლი. ამ საქმეში ერთ-ერთი ფიგურანტი გახლავთ ბატონი აბრაამ რეიხბახი, „ზაგი“ ამ შემთხვევაში პირდაპირაა იდენთიფიცირებული, რადგან მან გადაიფორმა ოფიციალურად და თამარ ბაჩალიაშვილი მანდ მუშაობდა, მოხდა მისი უცნაურ გარემოებაში დაღუპვა, ამიტომ ჩემი ინტერესი კონცენტრირდა ამ საქმეზე“, - განაცხადა ფურცხვანიძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან