„ევროპული საქართველოს“ ერთ-ერთი ლიდერი, ფოთის, ხობისა და სენაკის მაჟორიტარობის კანდიდატი, გიგა ბოკერია, სერგეი ლავროვის განცხადებას ეხმაურება.

გიგა ბოკერიას თქმით, პროვოკაციას რუსეთისთვის წარმოადგენს არა რაიმე ერთი გუნდი, არამედ მთლიანად საქართველო, თავისუფლება, სუვერენიტეტი, სახელმწიფოებრიობა და თავისუფალი სამყარო.

ბოკერიამ აღნიშნა, რომ ქვეყნის მთავარი პრობლემა არის ივანიშვილი და მისი გუნდი, რომელსაც სურს, რომ ქვეყანა დატოვოს დამოკიდებული რუსეთის საფრთხეზე ეკონომიკურად და პოლიტიკურად.

„ჩვენი პრობლემა არის არა პატარა პარტიები, არამედ დიდი ჯგუფი პოლიტიკური კლოუნების ივანიშვილის გარშემო, რომელსაც არ სურს არაფრის შეცვლა და სურს, რომ დაგვტოვოს დამოკიდებული რუსეთის საფრთხეზე ეკონომიკურად, პოლიტიკურად და მათმა მოქმედებებმა მთელი ამ წლების განმავლობაში ჩვენი ჩრდილოელი მტრის პოზიციები გააძლიერა და ჩვენ უფრო სუსტ მდგომარეობაში ჩაგვაყენა. ივანიშვილის და მისი ჯგუფის მოქმედებები გვხდის ეკონომიკურად, უსაფრთხოების სფეროში და პოლიტიკურად ძალიან დაუცველს რუსეთთან მიმართებაში. რუსეთთან ურთიერთობის დალაგება მოხდება მაშინ, როდესაც ჩვენ ისინი აღარ შეგვიქმნიან საფრთხეს ჩვენი სახელმწიფოებრიობისა და სუვერენიტეტის თვალსაზრისით, ოკუპაცია შეწყდება და ეთნიკური წმენდის შედეგები აღმოიფხვრება. ეს არის ჩვენი და ქართველი ხალხის ამოცანა.

გასაგებია, რომ ლავროვი გვგულისხმობს ჩვენ და სხვა ევროპულ ძალებს, როდესაც საუბრობს პროვოკაციაზე, თუმცა პროვოკაციას რუსეთისთვის წარმოადგენს მთლიანად საქართველო. მათთვის პროვოკაციაა თავისუფლება, სუვერენიტეტი და მეზობლების სახელმწიფოებრიობა“, - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

ავტობანზე ავარიისას 2 ადამიანი დაშავდა

პენიტენციური სამსახური -სინამდვილეს არ შეესაბამება თითქოს გიორგი ფეიქრიშვილი დეესკალაციის ოთახში იმყოფება და ჭრილობებიდან სისხლდენა აღენიშნება

ჟურნალისტური ეთიკის ქარტია პროკურატურას მიმართავს გასაჯაროვდეს ასავალ-დასავალის ჟურნალისტის საქმის მტკიცებულებები

პლენუმმა კონსულტაციისთვის პარტიებზე სარჩელის სტრასბურგში გაგზავნაზე უარი თქვა