საიდუმლო არ არის, რომ სუს-ის მანქანები დაყვებიან სხვა ოპოზიციურ ძალებსაც და ჩვენ, ჩვენი გუნდის წევრებს, - ამის შესახებ „ევროპული საქართველოს“ წევრმა გიგა ბოკერიამ განაცხადა.

გიგა ბოკერიას თქმით, მასაც და მის გუნდის წევრებსაც ხშირად შეუმჩნევიათ სახელმწიფო უსაფრთხოების მანქანები მათი ოფისის წინ, ასევე  მათი მობილიზება საარჩევნო კამპანიის დროს სხვადასხვა ქალაქში.

ბოკერიას თქმით, ეს არის მავნებლობა და უკანონობა, რომელიც არჩევნების შემდეგ უნდა დასრულდეს.

„არაერთხელ შეუმჩნევიათ ჩემი გუნდის წევრებს აქ, ყველამ იცის და საიდუმლო არ არის, რომ სუს-ის მანქანები დაყვებიან სხვა ოპოზიციურ ძალებსაც და ჩვენ, ჩვენი გუნდის წევრებს, უყურებენ ამ ყველაფერს. ეს ვერ შეცვლის ქართველი ხალხის ნებას, ის დაკვეთა, რომ უნდა მოხდეს გარდამტეხი ცვლილებები, ამით არ შეიცვლება. უფრო მეტიც, ეს არის დემონსტრირება იმისა,თუ რა უნდა შეიცვალოს ჩვენ ქვეყანაში, რადგან ხალხი, რომელიც ამას აკეთებს, გარდა იმისა, რომ უკანონობაა ოპონენტების ამ ნიშნით თვალთვალი, ეს ნიშნავს, რომ მთელი ეს რესურსი, ჩვენი გადასახადები, გამოიყენება არა ორგანიზებულ დანაშაულთან ბრძოლაში, არა კორუფციასთან და გარე მტრისგან სახიფათო გავლენის წინააღმდეგ ბრძოლაში, არამედ ამ მავბნებლობაში,  სისულელესა და უკანონობაში. ეს უნდა შეიცვალოს აუცილებლად არჩევნების შემდეგ“, - განაცხადა გიგა ბოკერიამ.

ავტორი: ექსპრესნიუსი,

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა